حماس اور حزب اللہ کے نام تل ابیب کا نیا پیغام، اسرائیل میں تشویش

شیعیت نیوز: اسرائیل کی حکومت نے حماس اور حزب اللہ لبنان کی مزاحمتی تحریکوں کو اپنی داخلی نازک سیاسی صورت حال کے بارے میں تشویش کی وجہ سے پیغامات بھیجے ہیں۔

مقبوضہ فلسطین کے بعض میڈیا چینلز صیہونی حکومت کی کابینہ کی خبریں نشر کر رہے ہیں جو کہ بنیامن نیتن یاہو کی کابینہ کے سیاسی تحفظ کے حوالے سے تشویش اور بے چینی کی طرف اشارہ کرتے ہیں۔

اپنے متنازعہ اقدامات اور پالیسیوں سے داخلی اور غیر ملکی مخالفت اور احتجاج کو بھڑکانے والی نیتن یاہو کی نئی کابینہ ’غیر ملکی دشمن‘ جیسے مسائل اٹھا کر اندرونی انتشار پر پردہ ڈالنے کی کوشش کر رہی ہے۔

اس سلسلے میں صیہونی حکومت کے ٹیلی ویژن چینل- 12 نے منگل کی شب کابینہ کے مسلسل اجلاسوں کے بارے میں بتایا تاکہ اس حکومت بالخصوص اس کی فوج کی تیاری کی سطح میں اضافہ کیا جائے۔

یہ بھی پڑھیں : فلسطین میں یہودی آباد کاری یونٹس عالمی برادری کے لیے چیلنج ہے، حماس

چینل-12 نے اطلاع دی ہے کہ نیتن یاہو نے اب تک پانچ خفیہ ملاقاتیں کی ہیں اور ان ملاقاتوں کا نتیجہ، جس کی اطلاع امریکہ اور فرانس کو بھی دی گئی، اسرائیل میں آمادگی اور ہائی الرٹ کی سطح میں اضافہ تھا۔

ان ملاقاتوں میں حکومت کے عسکری اور سیکورٹی (انٹیلی جنس) سربراہان بشمول وزیر انٹیلی جنس یوو گیلنٹ، چیف آف جوائنٹ چیفس آف اسٹاف ہرتسی ہیلیوی، موساد کے چیف داؤد برنیا، قومی سلامتی کے مشیر زاہی ہینگبی اور متعدد دیگر افراد نے شرکت کی۔

ان ملاقاتوں میں ملٹری انٹیلی جنس برانچ اور آپریشنز برانچ کے سربراہ اور آپریشنل لیول کے کمانڈر فوجیوں نے بھی شرکت کی۔

صیہونی ٹیلی ویژن نے دعویٰ کیا کہ یہ ملاقاتیں ایران کے خلاف کسی بھی کارروائی کے لیے اسرائیل کی آمادگی کی سطح کو بڑھانے کرنے کے لیے ہیں کیونکہ یورینیم کو 90 فیصد تک افزودہ کرنا، تل ابیب کی ڈیڈ لائن ہے اور آنے والے مہینے ’’حساس اور پیچیدہ‘‘ ہیں اور اسرائیل ان سارے امکانات کے لئے تیار ہو رہا ہے۔