اسرائیلی حملے انسانیت کے خلاف جرم ہیں، شامی وزیر خارجہ فیصل مقداد

شیعیت نیوز: شام کے وزیر خارجہ فیصل مقداد نے اس ملک میں موجود سفیروں اور سفارتی مشنوں کے سربراہوں سے ملاقات میں شام پر صیہونی عبوری حکومت کے حملوں کی فوری مذمت کرنے کی ضرورت پر زور دیا۔

شام کی سرکاری خبر رساں ایجنسی (SANA) نے اطلاع دی ہے کہ گزشتہ روز دمشق اور اس کے اطراف کے علاقوں پر صیہونی میزائل حملے میں 20 افراد ہلاک اور زخمی ہوئے، جو کہ انسانیت کے خلاف جرم ہے۔ خاص طور پر یہ زلزلے کے بعد کی تباہی میں ہوا تھا۔

یہ بھی پڑھیں : ایرانی جنگی طیارہ قاہر 313 اب بغیر پائلٹ کے پرواز کرے گا

انہوں نے اس بات پر زور دیا کہ اگر عالمی برادری صیہونی حکومت کے مجرمانہ اقدامات سے باز نہ آئے تو یہ مسئلہ انہیں مزید جرائم کرنے اور عام شہریوں کو قتل کرنے کی ترغیب دے گا۔ اس لیے شام اور فلسطینی قوموں کے خلاف اس حکومت کے وحشیانہ اقدامات اور جرائم کا تسلسل خطے اور اس سے باہر کے امن و سلامتی کے لیے واضح خطرہ ہے۔

فیصل مقداد نے داعش دہشت گرد گروہ اور صیہونی حکومت کے درمیان واضح تعلق پر گفتگو کرتے ہوئے کہا کہ اقوام متحدہ اور سلامتی کونسل کو اس جرم کی فوری مذمت اور سزا دینے کے ساتھ ساتھ شام پر سے یکطرفہ پابندیاں ہٹانے کے لیے دباؤ ڈالنا چاہیے۔