آیت اللہ العظمیٰ سید علی حسینی السیستانی سے علامہ شیخ محسن نجفی کی ملاقات ،مرجع عالی قدرکی ملت پاکستان کیلئے دعا اور سلام

شیعیت نیوز: عراق کے مقدس شہر نجف الاشرف میں مرجع عالی قدر آیت اللہ سید علی سیستانی سے مفسر قرآن علامہ محسن علی نجفی نے ملاقات کی۔ ملاقات میں شیعیان پاکستان کے نام مرجع جہاں تشیع حضرت آیت اللہ العظمی سید علی السیستانی دام ظلہ نے خصوصی سلام و دعا پہنچانے کی تاکید کی۔

مرجع اعلی اور آیت اللہ سید علی سیستانی کے وکیل علامہ محسن نجفی نے ایک دوسرے کی احوال پرسی کے بعد مملکت خدا داد پاکستان کی مجموعی صورت حال اور شیعیان پاکستان کے حوالے سے گفتگو کی۔

یہ بھی پڑھیں: پنجاب کے مختلف شہروں سے کالعدم جماعت کے5 تکفیری دہشت گرد گرفتار

مرجع عالی قدر آیت اللہ سید علی سیستانی نے حسب معمول شیعیان پاکستان کی نسبت اپنی محبت اور دلی وابستگی کا اظہار فرمایا اور تمام عالم اسلام کے لئے بالعموم اور پاکستان اور پاکستان میں مومنین کے لئے بالخصوص دعائیں دیں۔ آیت اللہ سید علی سیستانی نے علامہ محسن علی نجفی سے اپنا سلام پاکستان کے مومنین تک پہنچانے کا تقاضا بھی فرمایا۔