قم المقدس میں مکتب سلیمانی سیمینار کاانعقاد، شیعہ علما کونسل اور ایم ڈبلیو ایم کے رہنماؤں کا خطاب
06 جنوری, 2023 13:50
شیعیت نیوز: سپاہ قدس کے کمانڈر شہید قاسم سلیمانی کی تیسری برسی کی مناسبت سے دہہ بصیرت کے عنوان سے تقاریب جاری ہیں۔ اس سلسلے میں حسینیہ بلتستانیہ، گذر جدا، قم المقدس ایران میں نہضت امت اسلامی شعبہ تبیین کے زیراہتمام سیمینار منعقد ہوا۔ مکتب سلیمانی کے عنوان سے منعقد ہونیوالے سیمینار سے مجلس وحدت مسلمین قم کے رہنما مولانا عادل مہدوی، شیعہ علما کونسل قم کے رہنما مولانا سید ظفر نقوی، حوزہ علمیہ قم کے استاد علامہ سید حسن رضوی، مکتب سلیمانی کتاب کے مصنف ڈاکٹر سید شہزادہ حسن رضا نقوی، حوزہ علمیہ قم کے استاد علامہ فدا علی حلیمی نے خطاب کیا۔
یہ بھی پڑھیں: عمران خان کو جو نقصان بیرونی دشمن نہیں پہنچا سکے وہ نقصان اندر والے اپنے پہنچارہے ہیں، علامہ ارشادعلی
مقررین نے شہید قاسم سلیمانی کی شخصیت اور رہبر انقلاب اسلامی حضرت آیت اللہ سید علی خامنہ ای کیطرف شہید کی فکر و سیرت کو مکتب سے تعبیر کرنیکا حوالہ دیتے ہوئے کہا کہ شہید ظاہری طور پر ہمارے درمیان موجود نہیں ہیں، لیکن آپ کا مکتب ہمیشہ نسلوں کی رہنمائی کریگا۔ شیعہ علما کونسل کے رہنما مولانا سید ظفر نقوی نے خطاب میں نہضت امت اسلامی کی جانب سے اس کاوش کو سراہتے ہوئے کہا کہ وقت کی کمی کے باوجود عزیزان نے نمائندہ تنظیموں کی برجستہ شخصیات کو دعوت دی، ان کے خطابات کروائے، ایک گلدستہ بنایا، اس گلدستہ میں پھول الگ الگ ہیں لیکن حسن و خوبصورتی ایک ہے، یہی مکتب سلیمانی کا ایک اصول ہے۔
یہ بھی پڑھیں: 2022 میں امریکی اسکولوں میں امتیازی سلوک کی شکایات پچھلے سال سے دوگنی ہوگی
علما نے قرآن کریم اور روایات کی روشنی میں شہید قاسم سلیمانی کی زندگی اور سیرت پر روشنی ڈالی، مکتب سلیمانی کے اصول و مبانی بیان کیے۔ دوسری جانب مکتب سلیمانی کتاب کے مصنف ڈاکٹر سید شہزادہ حسن نقوی نے شہید قاسم سلیمانی کی خصوصیات بیان کرتے ہوئے، مکتب سلیمانی کے اہم نکات کی تشریح کی۔ انہوں نے شہید کی جرات، بہادری، بصیرت، دشمن شناسی سمیت مختلف پہلوؤں کی وضاحت کی۔ سیمینار میں نوجوان شعرا نے اپنا کلام پیش کیا اور ترانوں کی صورت میں گل ہائے عقیدت نچھاور کیے۔ اختتام پر دعائے امام زمانہ علیہ السلام تلاوت کی گئی اور حاضرین میں نیاز تقسیم کی گئی۔
