عراق: موصل میں ترک فوجی اڈے زلیکان پر راکٹ حملہ

شیعیت نیوز: عراقی خبر رساں ذرائع نے اطلاع دی ہے کہ 8 ’’گراڈ‘‘ راکٹ موصل میں ترک فوجی اڈے زلیکان پر گرے۔

اتوار کی شام عراق کے صوبے موصل میں واقع ترک فوجی اڈے زلیکان پر آٹھ گراڈ راکٹ گرے۔

سبرین نیوز ٹیلی گرام چینل نے اطلاع دی ہے کہ ان راکٹوں کے اثر سے بیس کے اندر آگ بھڑک اٹھی۔

المیادین نے یہ بھی اطلاع دی ہے کہ اتوار کی شام عراق کے شہر موصل کے مشرق میں واقع میدان نینویٰ اور باصخرہ کے علاقے میں ایک زبردست دھماکہ ہوا۔

موصل میں ترکی کے زلیکان فوجی اڈے پر کل رات (ہفتہ کی رات) چار دھماکے ہوئے۔

خبر رساں ذرائع نے اعلان کیا کہ یہ آوازیں موصل صوبے میں ترکی کے زلیکان اڈے پر 4 122 ایم ایم راکٹ فائر کرنے کی وجہ سے ہوئیں۔

ترک افواج عراق کے صوبہ نینویٰ کے صدر مقام موصل کے شمال مشرق میں بشیقہ کے علاقے میں زلیکان بیس پر تعینات ہیں۔

عراقی حکومت اور حکام نے بارہا ترکی سے شمالی عراق میں اپنا قبضہ ختم کرنے اور اپنی افواج کو واپس بلانے کا کہا ہے۔

انہوں نے شمالی عراق پر ترک فوج کے بار بار فضائی اور توپ خانے کے حملوں کو بھی اپنے ملک کی خودمختاری کی خلاف ورزی قرار دیتے ہوئے اسے ختم کرنے کا مطالبہ کیا۔

یہ بھی پڑھیں : ایران نے اسرائیلی ایجنٹ ثابت ہونے والے چار افراد کو پھانسی دے دی

دوسری جانب احرار العراق نامی گروپ نے شمال مغربی عراق میں زلیکان نامی فوجی چھاؤنی پر حملے کی ذمہ داری قبول کرلی ہے۔

میڈیا رپورٹوں میں بتایا گیا ہے کہ احرار العراق نامی گروپ کا کہنا ہے کہ اس نے گزشتہ شب کم سے کم شمالی عراق میں واقع زلیکان چھاؤنی پر کم سے کم چار راکٹ فائر کیے ہیں۔

اس سے پہلے آمدہ خبروں میں زلیکان چھاونی میں دھماکوں کی آوازیں سنائی دیں ۔

عراق کے صوبے نینوا کے صدر مقام موصل کے شمال مشرق میں واقع علاقے بعشیقہ میں زلیکان نامی چھاونی اس وقت ترک فوج کے کنٹرول میں ہے۔