ایران کے فوجی جوہری پروگرام کی موجودگی کے بارے میں کوئی معلومات نہیں، گروسی

شیعیت نیوز: عالمی جوہری ادارے کے سربراہ نے کہا کہ اس مانیٹرنگ تنظیم کے پاس ایران کے فوجی جوہری پروگرام کی موجودگی کے بارے میں کوئی معلومات نہیں ہیں۔

تقریب خبر رساں ایجنسی کے مطابق رافائل گروسی نے سی بی ایس کے 60 منٹس پروگرام میں ایران کے جوہری بم حاصل کرنے کے امکان کے بارے میں پوچھے گئے سوال کے جواب میں اس بات کا دعوی کیا کہ افزودہ یورینیم کی پیداوار کی موجودہ سطح پر، اگر ایران ایک سے زیادہ (دھماکہ خیز) آلات بنانے کا ارادہ رکھتا ہے تو اس کے لیے کافی مواد فراہم کر سکتا ہے۔

انہوں نے فوراً مزید کہا کہ لیکن ہمارے پاس ایسی کوئی معلومات نہیں ہیں جس سے یہ ظاہر ہو کہ ایران کے پاس اس وقت فوجی جوہری پروگرام ہے۔

یہ بھی پڑھیں : محمد بن زاید کی متحدہ عرب امارات میں انسانی حقوق کا زوال

در این اثنا اینکر نے پوچھا کہ کیا ایران غیر واپسی کے نقطہ پر پہنچ گیا ہے؟ کیا یہ قبول کرنے کا وقت ہے کہ وہ ایٹمی طاقت بن چکے ہیں، اور گروسی نے جواب دیا کہ نہیں۔ ہم اس مقام تک نہیں پہنچے ہیں، لیکن اس مقام تک نہ پہنچنے کے لیے ہمیں سخت محنت کرنے کی ضرورت ہے۔

گروسی کے یہ بیانات اس وقت اٹھائے گئے جب امریکہ اور یورپی ٹرائیکا کی طرف سے پیش کی گئی قرارداد جو کہ مبینہ سیکورٹی مسائل کے حوالے سے ایران کے خلاف زیادہ سے زیادہ دباؤ اور الزامات پھیلانے کی پالیسی کے تسلسل میں پیش کی گئی تھی جمعرات کو انٹرنیشنل اٹامک انرجی ایجنسی کے بورڈ آف گورنرز میں منظوری دی گئی۔

آئی اے ای اے کے سربراہ کا یہ بیان ایسے وقت میں سامنے آیا ہے جب یورپی ٹرائیکا اور امریکہ نے گزشتہ جمعرات کو ادارے کے بورڈ آف گورنرز کے ذریعے ایران مخالف قرارداد پاس کرائی تھی۔

یورپی ٹرائیکا اور امریکہ کی پیش کردہ مجوزہ قرارداد کے حق میں چھبیس ووٹ پڑے تھے، دوممالک روس اور چین نے اس کی مخالفت کی جبکہ تین ممالک نے رائے شماری میں حصہ نہیں لیا تھا۔