دشمن کے گھناؤنے جرائم اور مہم جویی لاجواب نہیں رہیں گے، ایرانی وزیر انٹیلی جنس

شیعیت نیوز: ایرانی وزیر انٹیلی جنس نے کہا کہ سڑکوں پر ہونے والے فسادات اور حضرت احمد بن موسی علیہ السلام کے مزار کی بے حرمتی اس سرزمین کے دشمنوں کے جرائم اور بربریت کی گہرائی کو پہلے سے کہیں زیادہ ظاہر کرتی ہے جو لاجواب نہیں رہیں گے۔

ارنا رپورٹ کے مطابق، ان خیالات کا اظہار علامہ سید اسماعیل خطیب نے آج بروز 3 نومبر مطابق (یوم اللہ 13 آبان) کو طلباء کے دن اور امریکی جاسوس ٹھکانے پر قبضے کے موقع پر گفتگو کرتے ہوئے کیا۔

انہوں نے کہا کہ یہ شاندار دن اسلامی انقلاب کی تاریخ میں ایک اہم موڑ ہے۔ 3 نومبر کو، شیطان کی کھوکھلی عظمت کا مذاق اڑایا گیا اور اسلامی جمہوریہ کے نئے نظام کے خلاف تخریبی جاسوسی کی سازشیں شرمناک ناکامی سے دوچار ہوئیں۔

ایرانی وزیر انٹیلی جنس نے کہا کہ ان دنوں عالمی سامراجیت، صہیونیت اور خطے میں زیرک اور رجعت پسند حکومتوں کی ایک پہلے سے منصوبہ بند سازش کے ذریعے سڑکوں پر فسادات کروانے اور حضرت احمد بن موسی علیہ السلام کے مزار کی بے حرمتی کرنے کے لیے خود غرض اور جاہل اجتماعی عناصر کا فائدہ اٹھایا جا رہا ہے جو اس سرزمین کیخلاف پیشہ ورانہ جرائم اور دشمنوں کی بربریت کی گہرائی کی نوعیت کو پہلے سے کہیں زیادہ ظاہر کرتی ہے۔

اسماعیل خطیب نے کہا کہ کہ سڑکوں پر ہونے والے فسادات اور حضرت احمد بن موسی علیہ السلام کے مزار کی بے حرمتی اس سرزمین کے دشمنوں کے جرائم اور بربریت کی گہرائی کو پہلے سے کہیں زیادہ ظاہر کرتی ہے جو لاجواب نہیں رہیں گے۔

یہ بھی پڑھیں : حالیہ واقعات سڑکوں پر ہونے والے صرف فسادات نہیں تھے بلکہ ہائبرڈ جنگ تھے، رہبر انقلاب

دوسری جانب ایرانی وزیر خارجہ نے ایک حکم نامے میں عباس کدخدایی کو اپنے مشیر اور سردار سلیمانی کے قتل پر بین الاقوامی فالو اپ کمیٹی کے سربراہ مقرر کر دیا گیا۔

ارنا رپورٹ کے مطابق، "حسین امیرعبداللہیان” نے اس حکم نامے میں اس امید کا اظہار کرلیا کہ وہ خدا کے فضل و کرم پر بھروسہ کرتے ہوئے اور وزارت خارجہ کی صلاحیت کو قانونی اور بین الاقوامی میدان میں بروئے کار لا کر سردار شہید سلیمانی کے حقوق ادا کرنے میں کامیاب ہو جائیں۔

اس سے قبل ویانا کی بین الاقوامی تنظیموں میں اسلامی جمہوریہ ایران کے موجودہ سفیر "محسن نذیری اصل” شہید سلیمانی کے قتل پر خصوصی قانونی اور بین الاقوامی فالو اپ کمیٹی کے ذمہ دار تھے۔