مقاومت نے تاریخ میں پہلی بار صیہونی حکومت پر وحشت طاری کرکے معاہدہ کرنے پر مجبور کیا

شیعیت نیوز: حزب اللہ لبنان کی شرعی امور کے سربراہ نے کہا ہے کہ مقاومت نے عربوں اور مسلمانوں کی تاریخ میں پہلی بار صیہونی دشمن پر وحشت طاری کرکے اسے معاہدہ کرنے پر مجبور کیا ہے۔

حزب اللہ لبنان کے شرعی کونسل کے سربراہ شیخ یزبک نے کہا ہے کہ مقاومت نے عربوں اور مسلمانوں کی تاریخ می پہلی بار صیہونی دشمن پر وحشت طاری کی ہے اور اسے لبنان کے ساتھ معاہدہ کرنے پر مجبور کیا ہے۔

العہد ویب سائیٹ کے مطابق شیخ یزبک نے کہا کہ صیہونی دشمن بحری حدود مشخص کرنے کے معاہدے پر مجبور ہوگیا جب اس نے لبنانی صدر، ، پارلیمنٹ کے سپیکر اور کیبنٹ کے سربراہ کے متفقہ موقف کو دیکھا اور مقاومت نے بھی اسے کاریش آئل فیلڈ سے تیل اور گیس نکالنے کی اجازت سے روک دیا۔

یہ بھی پڑھیں : داعشی عناصر کا صفایا کرنے پر عراقی وزیراعظم شیاع السودانی کی تاکید

انہوں نے کہا کہ ہم یہ ساری کامیابیاں لبنان کےلئے چاہتےہیں،یہ فتح لبنان کی فتح تھی۔ سب اس فتح سے فائدہ اٹھائیں اور کینہ، تفرقہ چھوڑ کر لبنانی مفاد کا خیال رکھنے والے صدر کا انتخاب کرنے کا کام شروع کریں۔

شیخ یزبک نے ایران میں حالیہ ہونے والے حوادث کی جانب اشارہ کرتے ہوئے کہا کہ ان دنوں اسلامی جمہوریہ ایران صیہونی امریکی اور مغربی سازش کی زد میں ہےکیونکہ انہوں نے اسلام کا پرچم لہرایا ہے اوروہ تمام میدانوں میں امریکہ کے سامنے ڈٹ گیا ہے۔ ایران پر یہ ساری یلغار ہو رہی ہے کہ اس نے لبنان، فلسطین اور وہ سارے مقاومتی گروہ جو اپنے حقوق حاصل کرنے کےلئے جدوجہد کر رہے ہیں، ان کا ساتھ اوران کی حمایت کی ہے۔

حزب اللہ کے اس رہنما نے کہا کہ ایران یہ سارے کام میڈیا پراپیگنڈہ اور نعرے بازی کےلئے نہیں کرتا بلکہ عقیدہ کی بنیاد پر یہ حمایت کرتا ہے اور دوست اور دشمن سب اس بات کو جانتے ہیں۔ ایران اپنے اس موقف کی وجہ سے ملک میں بلووں کا سامنا کر رہا ہے۔

اپنے خطاب کے آخر میں انہوں نےکہا کہ ایران اور محور مقاومت فلسطین کی آزادی تک آرام سے نہیں بیٹھیں گے۔