محرم الحرام کا آغاز، دنیا کے مختلف ممالک میں آج مجالس عزاء کا سلسلہ شروع

شیعیت نیوز: محرم الحرام سن 1444 ہجری قمری کا چاند پیغمبر اسلام (ص) کے اہلبیت (ع ) کی کربلا کے میدان میں دین اسلام کو بچانے کے سلسلے میں عظیم قربانی کی یاد لیکر نمودار ہوگیا ہے۔

نبی کریم حضرت محمد مصطفی (ص) کے نواسے کی کربلا کے میدان میں عظیم قربانی کی یاد اسلامی جمہوریہ ایران سمیت پورے عالم اسلام میں عقیدت و احترام کے ساتھ منائی جاتی ہے جس میں لوگ بلا تفریق مذہب و ملت شرکت کرتے ہیں۔

یہ بھی پڑھیں : حکومت پاکستان اور صوبائی حکومتوں سے مطالبہ کرتے ہے کہ محرم الحرام میں کوئی روکاوٹ نہ ڈالی جائے،ایم ڈبلیوایم

ایران میں محرم الحرام کا چاند نظر آ گیا ہے اور آج بروز ہفتہ یکم محرم ہے جبکہ پاکستان اور ہندوستان میں محرم الحرام 1444 ہجری قمری کا چاند نظر نہیں آیا ہے اس لئے پاکستان اور ہندوستان میں کل 31 جولائی بروز اتوار کو اسلامی کلینڈر کی پہلی تاریخ یعنی یکم محرم ہے اور یوم عاشورا 9 اگست کو ہو گا۔

موسم عزا محرم الحرام ۱۴۴۴ ہجری کی آہٹ محسوس ہوتے ہی دنیا بھر میں شمعِ حسینی کے پروانوں نے مقامات مقدسہ، اپنے آس پاس اور اطراف کے گلی کوچوں، بازاروں، شاہراہوں، مسجدوں، حسینیوں اور اپنے گھروں کو سیاہ پوش کر دیا ہے۔

یہ بھی پڑھیں : ڈیرہ اسماعیل خان، ضلعی انتظامیہ، علمائے کرام اور تاجروں کا مشترکہ ،محرم میں امن وامان کے قیام پر اتفاق

رپورٹ کے مطابق۔ ایران کے تمام چھوٹے بڑے شہروں میں مختلف مساجد و امام بارگاہوں کو سیاہ پوش کر دیا گیا اور ہر طرف مجالس عزا کا سلسلہ جاری ہے اور پوری فضا یا حسینؑ یا اباالفضلؑ کے نعروں سے گونج رہی ہے۔

محرم الحرام میں ایران، عراق، پاکستان، ہندوستان، یورپ، امریکہ، سعودی عرب، خلیجی ممالک، شام، اردن، ترکی اور دیگر ممالک میں مؤمنین مذہبی جوش و جذبہ اور عقیدت کے ساتھ عزاداری میں حصہ لیتے ہیں۔