شہادت امام علی رضا ع کی مناسبت سے حرم مطہر میں مجالس و عزاداری کا انعقاد

شیعیت نیوز: حضرت امام علی رضا علیہ السلام کے یوم شہادت اور یوم زیارت کی مناسبت سے حرم مطہر رضوی میں مختلف پروگراموں اور مجالس و عزاداری کا انعقاد کیا گیا ہے۔

23 ذیقعدہ جوکہ ایک روایت کے مطابق حضرت امام علی رضا علیہ السلام کی شہادت کا دن ہے اور اس دن حضرت امام علی رضا علیہ السلام کی زیارت کی بھی بہت زیادہ فضیلت ہے۔

اس موقع پر حرم مطہر کے گنبد پر نصب سبز پرچم کو اتار کر سیاہ پرچم نصب کردیا گیا ہے ۔

آٹھویں امام کے یوم شہادت کی مناسبت سے حرم مطہر رضوی کے صحن پیغمبراعظم(ص) اور رواق امام خمینیؒ میں مختلف پروگرام منعقد کئے گئے۔

یہ بھی پڑھیں : ایرانی عدالت کا امریکہ کے خلاف فیصلہ

شب شہادت امام رضا علیہ السلام کا خصوصی پروگرام صحن پیغمبر اعظم میں بوقت عصر 6 بجے شروع ہوا اور رات دس بجے تک جاری رہا ، اس پروگرام میں حجت الاسلام والمسلمین شیخ حسین انصاریان اور حجت الاسلام والمسلمین سید مہدی حائری زادہ خطاب کیا، پروگرام کے اختتام پر علی مالکی نژاد زیارت جامعہ کبیرہ پڑھی۔

یوم شہادت کے خصوصی پروگرام میں حجت الاسلام والمسلمین حسینی قمی سیرت امام رضا علیہ السلام پر خطاب فرمایا اورحجت الاسلام والمسلمین مرتضیٰ حمیدی مرثیہ اور مصائب پڑھنے کے ساتھ زیارت جامعہ کبیرہ بھی پڑھی۔

یہاں یہ بات قابل ذکر ہے کہ حرم امام رضا علیہ السلام میں غیرملکی زائرین کے لئے بھی اس مناسبت سے مجالس و عزاداری کا اہتمام کیا گیا ،اردو زبان زائرین و مجاورین کے لئے حرم مطہر رضوی کے رواق غدیر میں شب شہادت اور یوم شہادت کی مناسبت سے مجلس عزا منعقد کی گئی، مجلس کا باقاعدہ آغاز نماز مغربین کے فوراً بعد قرآن کریم کے ایک صفحہ کی تلاوت اور زیارت امام رضا علیہ السلام سے ہوا جس کے بعد حرم امام رضا علیہ السلام کے اردو زبان خطیب ؛ امام رضا علیہ السلام کی سیرت پر خطاب کرنے کے ساتھ مصائب بھی پڑھے ۔

شیعیت نیوز آپ تمام قارئین کی خدمت میں امام رضا علیہ السلام کے یوم شہادت کی مناسبت سے تعزیت پیش کرتے ہیں ۔