پنجاب پولیس کا متعصبانہ رویہ، شیعہ لاپتہ افراد کی ایف آئی آرز درج کرنے سے انکار

شیعیت نیوز: پنجاب پولیس نے لاہور سے شیعہ لاپتہ ہونے والے سینیئر صحافی سمیت تین افراد کی جبری گمشدگی کے مقدمات درج کرنے سے انکار کر دیا۔

ذرائع کے مطابق اچھرہ لاہور سے لاپتہ ہونے والے صحافی زاہد عباس ملک کے کزن عامر رضا نے تھانہ اچھرہ میں درخواست دائر کی تھی، لاہور کے علاقے نشتر سے لاپتہ ہونے والے نوجوان توقیر مہدی کے بھائی جہانگیر مہدی نے درخواست جمع کروائی تھی، جبکہ تیسری درخواست تھانہ مرید کے ضلع شیخوپورہ میں وجاہت نامی نوجوان کے والد غلام شبیر نے جمع کروائی تھی۔

یہ بھی پڑھیں : 16 مئی یوم مردہ باد امریکہ ، آئی ایس او کراچی کی احتجاجی ریلی

ذرائع کا کہنا ہے کہ تینوں شیعہ لاپتہ افراد کے لواحقین نے اپنے پیاروں کی گمشدگی کے حوالے سے تھانوں میں اندراج مقدمہ کی درخواستیں جمع کروائیں، مگر پولیس نے مقدمہ درج کرنے سے انکار کر دیا۔

ذرائع کے مطابق پنجاب پولیس کا مؤقف ہے کہ چونکہ تینوں افراد کو قانون نافذ کرنیوالے اداروں نے غائب کیا ہے، اس لئے ان کے خلاف مقدمہ درج کرنے سے قاصر ہیں۔

یہ بھی پڑھیں : اتحاد و وحدت سے ہی دشمن کی سازشوں کا ناکام بنایا جاسکتا ہے، راہیان کربلا کنونشن سے مقررین کا خطاب

لواحقین کا کہنا ہے کہ یہ کیسا قانون ہے کہ پولیس ہماری داد رسی کر رہی ہے نہ مقدمہ تک درج کیا جا رہا ہے۔

لواحقین کا کہنا ہے کہ ہمارا حکومت سے مطالبہ ہے کہ ہمارے پیاروں کو فی الفور بازیاب کروایا جائے، انہوں نے کوئی جرم کیا ہے تو ان کو عدالتوں میں پیش کیا جائے، ماورائے عدالت اقدامات کی مذمت کرتے ہیں۔ لواحقین نے چیف جسٹس آف پاکستان سے سوموٹو ایکشن لینے کی اپیل کی ہے۔