اہم ترین خبریںپاکستان

علامہ راجہ ناصرعباس مستعفیٰ ، مجلس وحدت مسلمین کے دستور میں بڑی تبدیلی

دستوری ترامیم پرسفارشات کی منظوری کیلئے منعقدہ اس اجلاس شوریٰ عمومی میں رکن دستورکمیٹی نثار علی فیضی ، مرکزی سیکریٹری امورسیاسیات اسدعباس نقوی نے دستوری ترمیمی سفارشات پر تفصیلی بریفنگ دی ۔

شیعیت نیوز : مجلس وحدت مسلمین پاکستان کی شوری عمومی نے جماعت کے تنظیمی ڈھانچے میں موجودمرکزی ، صوبائی ، ضلعی اور یونٹس کابینہ کےاہم کلیدی عہدوں کی تبدیلیوں کی منظوری دے دی ۔

تفصیلات کے مطابق مجلس وحدت مسلمین پاکستان کے اسلام آباد میں جاری تین روزہ مرکزی تنظیمی راہیان کربلا کنونشن کے دوسرے روز کے تیسرے سیشن کے دوران شوریٰ عمومی کے اراکین نے دستور کمیٹی کی جانب سے پیش کردہ ترمیمی سفارشات پر رائے شماری کے ذریعے اہم دستوری ترامیم کی منظوری دے دی ہے ۔

ایم ڈبلیوایم کی شوریٰ عمومی نے کثرت رائے سے جماعت کے مرکزی سیکریٹری جنرل (سربراہ) کے عہدے کی جگہ چیئرمین اور ڈپٹی سیکریٹری جنرل کی جگہ وائس چیئرمین کے عہدے کی منظوری دے دی۔اب آئندہ مرکزی سیکریٹری جنرل کی جگہ چیئرمین ڈپٹی سیکریٹری جنرل کی جگہ وائس چیئرمین لکھا ، پڑھا اور پکاراجائے گا ۔

صوبائی ، ڈویژنل ،ضلعی اور یونٹس سطح پر سیکریٹری جنرل کی جگہ صدر کے عہدے اور ڈپٹی سیکریٹری کی جگہ نائب صدور کے عہدے اور کابینہ میں ایک جنرل سیکریٹری اور ایک سے زائد ڈپٹی جنرل سیکریٹریز کے نئے عہدے شامل کیئے گئے ہیں۔ لہذٰا اب صوبائی، ڈویژنل، ضلعی اور یونٹ سیکریٹری جنرل صاحبان کو صدر لکھا ، پڑھا اور پکاراجائے گا ۔

یہ بھی پڑھیں: پاکستان کے فیصلے واشنگٹن میں نہیں اسلام آباد میں ہونے چاہئیں یہ کسی اور کا نہیں ہمارا اور ہمارے شہید قائد ـؒ کا بیانیہ ہےجس سے ہم لاتعلق نہیں رہ سکتے، علامہ راجہ ناصرعباس

اس کے علاوہ ایم ڈبلیوایم کے دستوری نکات میں موجود بعض سقم ختم کرکے نئی سفارشات منظور کی گئیں اور تنظیمی کے مرکزی اور صوبائی عہدیداران اور شعبہ جات کی شرائط، اختیارات اور فرائض میں بھی بعض تبدیلیوں کی بھی منظوری لے لی گئی ہے۔

دستوری ترامیم پرسفارشات کی منظوری کیلئے منعقدہ اس اجلاس شوریٰ عمومی میں رکن دستورکمیٹی نثار علی فیضی ، مرکزی سیکریٹری امورسیاسیات اسدعباس نقوی نے دستوری ترمیمی سفارشات پر تفصیلی بریفنگ دی ۔

واضح رہےکہ موجودہ مرکزی سیکریٹری جنرل علامہ راجہ ناصرعباس جعفری نے شوریٰ عمومی سے اپنے آخری کے بعد اپنی مرکزی کابینہ کے ہمراہ اپنے اپنے عہدوں سے باضابطہ طور پر مستعفیٰ ہونےکا اعلان کردیا ہے ۔ مجلس وحدت مسلمین کی شوریٰ عمومی آئندہ تین سال 2022تا 2025تک لئے نئے پارٹی چیئرمین کا انتخاب آج 15 مئی بروز اتوارخفیہ رائے شماری کے ذریعے کرے گی۔جس کا اعلان چیئرمین شوریٰ عالی کریں گے۔

متعلقہ مضامین

Back to top button
Close