یمن کے مفرور صدر عبد ربہ منصور ہادی کو اقتدار سے ہٹا دیا گیا

شیعیت نیوز: خبر رساں ذرائع نے جمعرات کی صبح اطلاع دی کہ مستعفی اور مفرور یمنی صدر عبد ربہ منصور ہادی نے صدارتی لیڈرشپ کونسل کے قیام کا اعلان کیا۔

الجزیرہ رپورٹ کے مطابق، عبد ربہ منصور ہادی نے بھی اپنے تمام اختیارات صدارتی لیڈرشپ کونسل کو سونپ دیے ہیں۔

رپورٹ کے مطابق رشاد محمد العلیمی صدارتی لیڈرشپ کونسل کے سربراہ ہوں گے۔

رپورٹ میں مزید کہا گیا ہے کہ مستعفی یمنی صدر نے اپنے نائب علی محسن الاحمر کو بھی برطرف کر دیا ہے۔

رپورٹ کے مطابق، صدارتی لیڈرشپ کونسل، مستعفی یمنی حکومت کی سیاسی، فوجی اور سیکورٹی انتظامیہ کی انچارج ہوگی۔

واضح رہے کہ صدارتی لیڈرشپ کونسل کے آٹھ ارکان ہیں، اور اس میں سلطان علی العرادہ، طارق محمد صالح، عبدالرحمن ابو زارعہ،عبداللہ العلیمی باوزیر، عثمان مجی، اور عیروس الزبیدی شامل ہیں۔

رپورٹ میں مزید کہا گیا ہے کہ صدارتی لیڈرشپ کونسل تحریک انصار اللہ کے ساتھ جنگ بندی کے لیے مذاکرات کی ذمہ دار ہے۔

یہ بھی پڑھیں : جارج سعودی اتحاد یمن پر اب تک 30 لاکھ کلسٹر بم گرا چکا ہے، جنرل علی صفرا

قبل ازیں یمنی میڈیا نے خبر دی تھی کہ سعودی عرب نے خلیج فارس تعاون کونسل کی دعوت پر منصور ہادی کے ریاض مشاورت سے غیر حاضر رہنے کے بعد مفرور یمنی صدر، جو کافی عرصے سے ریاض میں مقیم ہیں، کو معزول کرنے کا فیصلہ کیا ہے۔

رپورٹ کے مطابق معزول یمنی صدر عبد ربہ منصور ہادی کو ریاض کی مشاورت سے ہٹانا اتحاد کی جانب سے انہیں معزول کرنے کی پالیسی کی عکاسی کرتا ہے۔

منصور ہادی کے علاوہ محسن الاحمر (نائب صدر) اور ہادی کی کابینہ کے نائب وزیر اعظم "معین عبدالملک” بھی ریاض میں یمنی گروپوں کے ساتھ مشاورت سے غیر حاضر تھی۔

واضح رہے کہ سعودی عرب نے 26 مارچ 2015 سے متحدہ عرب امارات سمیت متعدد عرب ممالک کے اتحاد کی شکل میں اور امریکہ کی مدد اور سبز روشنی اور صیہونی حکومت کی حمایت سے غریب ترین عرب ملک یمن کے خلاف بڑے پیمانے پر حملے شروع کردیئے۔

سعودی عرب کے توقعات کے برعکس، یمنی عوام کی مزاحمت نے ان کے حملوں کو شکست کا سامنا کیا اور اور سات سال کے یمنی استحکام اور سعودی سرزمین، خاص طور پر آرامکو کی تنصیب پر تکلیف دہ ضربوں کے بعد، ریاض یمنی جنگ کے دلدل سے نکلنے کی امید میں جنگ بندی قبول کرنے پر مجبور ہوا۔