عید بعثت منا رہے فلسطینیوں پر اسرائیلی فوجیوں کا حملہ، دسیوں زخمی

شیعیت نیوز: غاصب صیہونی ٹولے اسرائیل کے فوجیوں نے عید بعثت و رسالت کا جشن منا رہے فلسطینیوں پر دھاوا بول کر کم از کم پچیس فلسطینیوں کو زخمی کر دیا۔

فارس نیوز کے مطابق پیر کے روز فلسطینی باشندے بیت المقدس کے باب العامود پر عید بعثت و نبوت منانے کے لئے جمع تھے کہ اچانک صیہونی فوجیوں نے ان پر حملہ کر دیا۔

ہلال احمر سوسائٹی نے پیر کو ایک مختصر پریس بیان میں کہا کہ اس کے عملے نے القدس کے باب العامود میں اسرائیلی فوج کے ساتھ تصادم کے دوران 35 زخمیوں کا علاج کیا۔

انہوں نے بتایا کہ زخمیوں میں سے 7 کو علاج کے لیے اسپتالوں میں لے جایا گیا جن میں ایک خاتون، ایک نوجوان  اور چار بچے شامل ہے۔ ان پر براہ راست گولیاں چلائی گئیں۔

صیہونی جارحیت میں کم از کم پچیس فلسطینی زخمی ہو گئے جن میں چار کمسن بچے بھی شامل ہیں۔

یہ بھی پڑھیں : عید بعثت و نبوت کی آمد، عالم اسلام جشن و سرور میں غرق

عینی شاہدین نے کہا اسرائیلی فوج نے عید بعثت منانے والوں کو منتشر کرنے کے لیے صوتی بموں کا استعمال کیا اور متعدد شہریوں  کو مار پیٹ اور دھکے دے کر حملہ کیا۔

اسرائیلی فوج کی بڑی تعداد نے علاقے میں گھس کر فلسطینیوں پر پانی چھڑکا اور متعدد فلسطینیوں کو تشدد کے بعد حراست میں لے لیا۔

خیال رہے کہ فلسطین کے شہر بیت المقدس میں واقع مسجد الاقصیٰ کو پیغمبر اسلام سے خاص نسبت حاصل ہے جس کے پیش نظر مدینہ منورہ سے دور فلسطینی عوام سال کی مختلف مذہبی مناسبتوں پر وہاں اکٹھا ہو کر اپنے جذبہ ایمانی کی تسکین کا سامان فراہم کرتے ہیں تاہم غاصب صیہونیوں کو فلسطینیوں کے یہ اقدامات پسند نہیں اور وہ مختلف بہانوں سے انہیں روکنے اور کچلنے کی کوشش کرتے ہیں۔

خود ساختہ صیہونی ریاست اسرائیل اپنے توسیع پسندانہ منصوبوں کو عملی جامہ پہنانے کے لئے کسی بھی انسانی اور قانونی حد کی قائل نہیں ہے اور وہ ہر ممکن شکل میں فلسطینی عوام کی سرکوبی کر کے انہیں فلسطین اور بیت المقدس کی آزادی کے لئے جاری جنگ سے باز رکھنے کی کوشش کرتی ہے تاہم فلسطینی عوام بھی یہ ٹھان چکے ہیں کہ وہ کسی قیمت پر اپنی سرزمین اور قبلہ اوّل کی آزادی کے مقصد سے پیچھے نہیں ہٹیں گے اور اس راہ میں وہ اپنی جان نچھاور کرنے کے لئے بھی تیار ہیں۔