یوکرین کے بحران کی جڑ نیٹو کی اشتعال انگیزیوں میں ہے، ایرانی وزیر خارجہ

شیعیت نیوز: ایرانی وزیر خارجہ نے یوکرین کے بحران کی جڑ کو نیٹو کے اشتعال انگیز اقدامات قرار دیتے ہوئے کہا ہے کہ ہم جنگ کا سہارا لینے کو حل نہیں سمجھتے ہیں۔

یہ بات حسین امیر عبداللہیان نے اپنے ٹوئیٹر اکاونٹ میں یوکرائن پر روس کے فوجی حملے کے حوالے سے کہی۔

انہوں نے کہا کہ یوکرین کے بحران کی جڑ نیٹو کے اشتعال انگیز اقدامات ہیں۔ ہم جنگ کو مسائل کا حل نہیں سمجھتے ہیں۔

امیر عبداللہیان نے اس بات پر بھی زور دیا کہ جنگ بندی کا قیام اور سیاسی حل پر توجہ دینے کی ضرورت ہے۔

روس اور یوکرین کے درمیان کشیدگی کے بارے میں قیاس آرائیوں کے بعد، آج کی صبح روسی فوج نے یوکرین کی سرزمین پر اپنی فوجی کارروائی کا آغاز کر کے یوکرین کے مختلف علاقوں میں پیش قدمی کی ہے۔

یہ بھی پڑھیں : نیٹو کی توسیع آزاد اقوام کے استحکام اور سلامتی کے لیے سنگین خطرہ ہے، ایرانی صدر

دوسری جانب یوکرین میں ایران کے سفارت خانے نے آج جمعرات کو ایک بیان میں یوکرین میں رہنے والے ایرانیوں سے مطالبہ کیا ہے کہ وہ یوکرین چھوڑنے کے لیے ہر ممکن کوشش کریں۔

یوکریں میں ایران کے سفارت خانے نے اپنے جاری کردہ ایک بیان میں کہا کہ تمام ایرانی باشندوں سے یوکرین چھوڑنے کی اپیل کرتے ہیں۔

ہماری وزارت خارجہ کے ترجمان سعید خطیب زادہ نے بھی چند گھنٹے قبل کہا تھا کہ یوکرین میں مقیم اپنے ہم وطنوں کو ملک کے بعض حصوں سے ایک یا زیادہ نجی پروازوں کے ذریعے نکالنے کی کوشش کر رہے ہیں۔

انہوں نے یوکرین میں ہونے والے بحران کا ذکر کرتے ہوئے کہا کہ یوکرین میں بدامنی کے آغاز سے ہی وزارت خارجہ میں ایک مینجمنٹ ہیڈ کوارٹر تشکیل دیا گیا اور ایرانی وزیر خارجہ حسین امیر عبداللہیان فعال سفارت کاری کے ذریعے ذاتی طور پر یوکرین میں مقیم ایرانیوں کی صورت حال کا تعاقب کر رہا ہے۔

ایران ایئر لائنز کے تعلقات عامہ کے ڈائریکٹر جنرل’حسین جہانی’ نے جمعرات کے روز ارنا کے نمائندے کے ساتھ گفتگو کرتے ہوئے کہا کہ ایران کی قومی ایئرلائن (ہما) کمپنی کی فی الحال یوکرین کے لیے کوئی پرواز نہیں ہے، لیکن درخواست کی صورت میں یوکرین سے ایرانیوں کی واپسی کے لیے مکمل طور پر تیار ہے۔