اہم ترین خبریںایران

ایران کی ایک سو اسی طلبہ یونینز کا ہندوستانی مسلم طالبات کی حمایت کا اعلان

خط میں آیا ہے کہ کرناٹک حکومت کا یہ فیصلہ اسلامی دنیا کی رائے عامہ میں بے چینی کا باعث بنا ہے اور اس معاملے میں خاموشی صحیح نہیں ہے

شیعیت نیوز: ایران کی ایک سو اسی یونیورسٹیوں کی طلباءیونینز نے ایران کی وزارت خارجہ سے ہندوستا ن میں مسلم طالبات کے پردے سے متعلق مشکلات کے حل کے لیے اپنا بھرپور کردار ادا کرنے کا مطالبہ کیا ہے۔

180 ایرانی یونیورسٹیوں کی طلبہ یونینوں اور ملک کی عوامی تنظیموں نے ایران کی وزارت خارجہ کے نام ایک خط ارسال کیا ہے جس میں، ہندوستان میں مسلم طالبات کے حجاب سے متعلق مسائل پر ردعمل ظاہر کرنے کا مطالبہ کیا گیا ہے۔

اس خط میں کہا گیا ہے کہ موصولہ خبروں اور رپورٹوں سے پتہ چلتا ہے کہ ہندوستان کی کرناٹک حکومت کے ایک فیصلے کے تحت اس ریاست کے اسکولوں میں اسلامی حجاب پہننے پر پابندی عائد کردی گئی ہے۔

یہ بھی پڑھیں: حجاب پر پابندی کے خلاف ایرانی طالبات کا تہران میں بھارتی سفارت خانے کے سامنے احتجاجی مظاہرہ

خط میں آیا ہے کہ کرناٹک حکومت کا یہ فیصلہ اسلامی دنیا کی رائے عامہ میں بے چینی کا باعث بنا ہے اور اس معاملے میں خاموشی صحیح نہیں ہے۔واضح رہے کہ ہندوستان کی ریاست کرناٹک کی حکومت نے کچھ دن قبل، اسکولوں اور کالجوں میں مسلم طالبات کے حجاب پہننے پر پابندی عائد کردی ہے۔ حکومت کرناٹک کے فیصلے کے خلاف پورے ہندوستان میں مظاہرے کیے جارہے ہیں۔

متعلقہ مضامین

Back to top button