حجاب پر پابندی کے خلاف ایرانی طالبات کا تہران میں بھارتی سفارت خانے کے سامنے احتجاجی مظاہرہ
بھارتی ریاست کرناٹک کے تعلیمی اداروں میں حجاب پہننے پر پابندی عائد کر دی گئی تھی جس کے بعد ریاست میں احتجاجی مظاہرے کیے جا رہے ہیں
شیعیت نیوز: بھارت میں جاری حجاب تنازعے کے خلاف احتجاج دنیا بھر میں پھیلنے لگا، ایرانی طالبات نے حجاب پر پابندی کے خلاف بھارتی سفارت خانے کے سامنے احتجاجی مظاہرہ کیا۔ طلباء نے حجاب پر پابندی کے خلاف پلے کارڈز بھی اٹھا رکھے تھے۔ جس پر بھارت میں مسلم طالبات کو انصاف فراہم کرنے کے مطالبات درج تھے۔
طلبا نے حکومت سے مطالبہ کیا کہ بھارت میں حجاب پر پابندی کے خلاف ایران مذمتی بیان جاری کرے۔ یاد رہے بھارتی خبر رساں ایجنسی اے این آئی کے مطابق ریاست کرناٹک کے شہر تمکرو میں لڑکیوں کے کالج کے سامنے احتجاج کرنے والی دس طالبات کے خلاف مقدمہ درج کیا گیا ہے۔
یہ بھی پڑھیں: پاکستان پر بلاجوز پابندیاں اور انسانیت کے دشمن اسرائیل کو کھلی چھوٹ؟ یہ عالمی دوہرا معیار کیوں؟علامہ ساجد نقوی
بھارتی ریاست کرناٹک کے تعلیمی اداروں میں حجاب پہننے پر پابندی عائد کر دی گئی تھی جس کے بعد ریاست میں احتجاجی مظاہرے کیے جا رہے ہیں۔ واضح رہے کہ احتجاجی مظاہروں کے سبب پیدا ہونے والی کشیدگی کے باعث مختلف اضلاع میں دفعہ 144 نافذ کی گئی ہے جس کے تحت احتجاج کرنے پہ پابندی ہے۔
بھارتی ذرائع ابلاغ کے مطابق ہفتے کے دن کرناٹک کے شہر تمکرو میں انگریزی کی ایک لیکچرار نےحجاب اتارنے کی ہدایت پر استعفیٰ دے یا تھا۔ کالج میں گزشتہ تین سالوں سے پڑھانے والی لیکچرار نے اس حوالے سے کہا تھا کہ یہ عزت نفس کے خلاف ہے۔
