اہم ترین خبریںمشرق وسطی

بحرین اور پورے خطے میں صیہونی حکومت کی سازشوں کا مقابلہ کرنا ہوگا، الشیخ عیسیٰ قاسم

شیعیت نیوز: بحرینی انقلاب کی گیارہویں سالگرہ کے موقع پر بحرین کے ممتاز عالم دین الشیخ عیسیٰ قاسم نے کہا کہ بحرین میں سیاسی اصلاحات کا راستہ طویل ہوسکتا ہے، لیکن کسی کے پاس اسے بند کرنے کی طاقت نہیں ہے اور دشمن اسے بند نہیں کرسکتے ہیں۔

الشیخ عیسیٰ قاسم نے پیر کی شب بحرینی عوامی انقلاب کے عنوان سے ’’متحدہ فتح کے راستے پر‘‘ کے موقع پر خطاب کرتے ہوئے کہا کہ ایمان اصلاح کی ذمہ داری اٹھانے اور اس کے اخراجات برداشت کرنے کی بنیادی بنیاد ہے۔

انہوں نے مزید کہا کہ اصلاح کا راستہ طویل ہوسکتا ہے لیکن اس راستے کو کوئی نہیں روک سکتا اور دشمن اس راستے کو نہیں روک سکتے۔

یہ بھی پڑھیں : شہریوں کے لاپتہ ہونے کا کسی کوتو ذمہ دار ہونا چاہئے،لگتا ہےیہ ریاستی پالیسی ہے، اسلام آباد ہائیکورٹ

بحرینی شیعوں کے رہنما نے بیان کیا کہ بحرینی عوام کی تحریک اور بغاوت کا مقصد اس ملک کے عوام سے ظلم و ستم کو دور کرنا تھا۔ عظیم تاریخی پیش رفت ہمیں سکھاتی ہے کہ تبدیلی آخرکار آئے گی، وطن کے فرزند اگر مسائل پر قابو پانا چاہتے ہیں تو انہیں متحد ہو کر مسائل کے حل کے لیے اپنی کوششوں کو مربوط کرنا ہوگا۔

انہوں نے بحرینی نوجوانوں اور اپوزیشن گروپوں کو مخاطب کرتے ہوئے کہا کہ آپ کی بغاوت اور تحریک اتحاد، مشترکہ مفادات سے وابستگی اور مشترکہ تقدیر کے تعین کی کوششوں کے ساتھ اختیار اور تدبیر کے ساتھ آگے بڑھے گی۔

بحرین کے ممتاز عالم دین نے کہا: "بحرین کے مسائل کا حل انصاف پر مبنی آئین کے بغیر ممکن نہیں ہے۔

الشیخ عیسیٰ قاسم نے بعض عرب ممالک اور صیہونی حکومت کے درمیان تعلقات کو معمول پر لانے کے عمل کا ذکر کرتے ہوئے کہا: بحرین اور پورے خطے میں صیہونی حکومت کی سازشوں کا مقابلہ کرنا ہوگا۔

متعلقہ مضامین

Back to top button