اسرائیلی جہاز بنانے والی گولڈ بینڈ کمپنی پر سائبر حملہ

شیعیت نیوز: گولڈ بینڈ لاجسٹکس کمپنی، جو صیہونی حکومت کے شپ یارڈ کے انتظام کی ذمہ دار ہے، نے اعلان کیا کہ اس پر کل رات سائبر حملہ کیا گیا ہے۔

عرب 48 کی ویب سائٹ کے مطابق ، کمپنی کے بیان میں کہا گیا ہے کہ گزشتہ رات کمپنی کے کمپیوٹرز میں خلل پڑا اور تحقیقات کے بعد معلوم ہوا کہ کسی نامعلوم فریق نے کمپنی کے کمپیوٹر اور انفارمیشن سسٹم میں گھس کر خلل ڈالنے کی کوشش کی تھی۔

رپورٹ میں مزید کہا گیا ہے کہ کمپنی کے زیادہ تر مواصلاتی نظام ابھی تک بند ہیں اور گولڈ بینڈ کی ویب سائٹ دستیاب نہیں ہے۔

کمپنی نے کہا کہ وہ سائبر حملے سے ہونے والے نقصان کی مقدار کو کم کرنے کے لیے کام کر رہی ہے، اور نقصان کی حد کا تعین کرنا ممکن نہیں ہے۔

گولڈ بینڈ نے مزید کہا کہ اشدود کی بندرگاہ کی رسد میں رکاوٹیں بھی متوقع ہیں۔

اس سلسلے میں گزشتہ جمعہ کو مقبوضہ فلسطین کی گلیوں میں لگے سی سی ٹی وی کیمروں کی ہیکنگ کی سی سی ٹی وی تصاویر جاری ہونے کے چند گھنٹے بعد ہی ہیکنگ گروپ نے صہیونی کمپنی ’رافیل‘ کے ارد گرد لگے سی سی ٹی وی کیمروں کی ہیکنگ کی اطلاع دی۔

یہ بھی پڑھیں : عالم ربانی، مرجع تقلید آیت‌ الله‌ العظمیٰ صافی گلپایگانی دار فانی سے کوچ کر گئے

دوسری جانب اسرائیلی ریاست کے حلقوں میں رائے عامہ کے ایک جائزے میں انکشاف کیا گیا ہے کہ قابض ملک کو درپیش اندرونی اور بیرونی چیلنجز کے تناظر میں سلامتی کے عمومی احساس میں کمی واقع ہوئی ہے۔

تل ابیب یونیورسٹی سے منسلک سینٹر فار نیشنل سیکیورٹی ریسرچ کی جانب سے کرائے گئے سروے کے مطابق 66 فیصد اسرائیلی عوام نے بیرونی سیکیورٹی خطرات سے زیادہ اندرونی سماجی خطرات پر تشویش کا اظہار کیا۔

31 فی صد جواب دہندگان نے کہا کہ فلسطینی سلامتی کا خطرہ انہیں سب سے زیادہ پریشان کرتا ہے۔ 15 فی صد نے فلسطینی کارروائیوں پر  خوف کا اظہار کیا جب کہ 13 فی صد نے اشارہ کیا کہ شمالی محاذ (حزب اللہ) ان کی تشویش کا باعث ہے۔

رپورٹ میں 23 فی صد کا خیال تھا کہ جوہری ایران سب سے خطرناک خطرے کی نمائندگی کرتا ہے اور 45 فی صد نے اپنے ملک کی ایران کو جوہری ہتھیار حاصل کرنے سے روکنے کی صلاحیت پر اطمینان کا اظٖہار کیا جب کہ 34 کا خیال تھا کہ ایسا نہیں ہو سکتا۔

امریکہ پر قابض طاقت کے انحصار پر 85 نے جواب دیا کہ خطرات کے پیش نظر انہیں صرف اپنے آپ پر بھروسہ کرنا چاہیے۔