شہدائے شکارپور سے اظہار عقیدت ، خانپور سے شکارپور تک 15کلومیٹر تک پیدل مارچ

شیعیت نیوز: شہدائے شکارپور کی ساتویں برسی کے موقع پر مجلس وحدت مسلمین خانپور کے زیراہتمام خانپور سے شکارپور 15 کلوميٹر پیدل مارچ شروع ہوا۔

خانپور میں پیدل مارچ کے شرکاء سے خطاب کرتے ہوئے مجلس وحدت مسلمین پاکستان کے مرکزی ترجمان اور وارثان شہداء کمیٹی کے چیئرمین علامہ مقصود علی ڈومکی اور مجلس وحدت مسلمین ضلع شکارپور کے سیکرٹری جنرل اصغر علی سیٹھار نے کہا کہ سانحہ نماز جمعہ جامع مسجد سیدالشہداء کے 65 مظلوم شہداء کا پاکیزہ لہو ملت کی بیداری کا باعث بنا۔ اسلام دشمن دہشت گردوں نے اللہ کے گھر مسجد میں حالت نماز اور سجدے میں جنہيں بے جرم و خطاب قتل کیا وہ آج بھی زندہ ہیں۔ سات سال کا طویل عرصہ گذر جانے کے باوجود ان شہداء کی یاد فکر اور پیغام آج بھی زندہ ہے۔

یہ بھی پڑھیں: شیعہ عقائد کو نظرانداز کرکے کوئی نصاب مسلّط نہیں کیا جا سکتا، علامہ احمد اقبال رضوی

انہوں نے کہا سات سال گذر گئے ہمیں انصاف نہیں ملا۔ وارثان شہداء آج بھی ریاستی اداروں سے سوال پوچھتے ہیں ہمیں کب انصاف ملے گا۔ ملک کی اعلی عدالتیں کب مجرموں کو تختہ دار پر لٹکائیں گی۔حکمران بتائیں دھشت گردوں کو عام معافی دینے کا کیا نتیجہ نکلا؟انہوں نے کہا کہ سندہ حکومت وارثان شہداء سے کیے گئے اپنے معاہدے کی پاسداری کرے۔ 21 نکاتی معاہدے صوبے میں امن کی ضمانت ہے۔ وارثان شہداء نے شہداء کے ساتھ جو عہد کیا تھا اسے نبھائیں گے۔