یمن میں امریکی منصوبے کا کوئی مستقبل نہیں ہے، علی القحوم
شیعیت نیوز: یمن کی عوامی تحریک انصار اللہ کے ایک سینئر عہدیدار علی القحوم کا کہنا ہے کہ ملک میں امریکی منصوبے کا کوئی مستقبل نہیں ہے۔ دوسری طرف الحدیدہ پر سعودی حملے میں متعدد یمنی شہید و زخمی ہو گئے۔
فارس نیوز ایجنسی کی رپورٹ کے مطابق تحریک انصار اللہ کے سیاسی دفتر کے سربراہ علی القحوم کا کہنا ہے کہ ملک میں امریکی منصوبے کا کوئی مستقبل نہیں ہے اور یہ، یمن کی فوج اور رضاکار فورس کے آپریشنز کا پیغام ہے۔
انہوں نے تاکید کی کہ ملک کی مسلح افواج ، ملک کے دفاع کے لئے تمام امکانات اور توانائی کا استعمال کرے گی۔
انہوں نے المسیرہ چینل سے گفتگو کرتے ہوئے کہا کہ یمن کی مسلح افواج کے آپریشنز پر سیاسی لحاظ سے مثبت رد عمل آئے ہیں۔
ان کا کہنا تھا کہ آج دشمنوں نے داعش اور القاعدہ کے دہشت گرد گروہ پر جوا کھیلنا شروع کر دیا ہے اور یہ گروہ بھی ملک کی سرزمین پر دشمنوں کے آخری پتے ہیں جن کو جلد ہی نکال دیا جائے گا۔
یہ بھی پڑھیں : شام، عفرین شہر پر امریکہ کے حامی کردوں کا راکٹوں سے حملہ، 15 جاں بحق و زخمی
ان کا کہنا تھا کہ یمنی قوم نے جنگ کے میدان میں عجیب و غریب کامیابیاں حاصل کی ہیں اور متحدہ عرب امارات، سعودی عرب اور امریکا کو یہ واضح پیغام دے دیا گیا ہے کہ تکفیری گروہوں پر جوا کھیلنا بہت بڑی غلطی ہے۔
ان کا کہنا تھا کہ جنگ کے آغاز سے ہی دشمن کی کشیدگی بڑھانے کی شروعات ہوگئی تھی لیکن آج یمن کے عہدیدار ملک اور ملک کے عوام کی حفاظت کے لئے اسٹراٹیجک آپرشنز انجام دے رہے ہیں۔
دوسری جانب الحدیدہ پر سعودی حملے میں متعدد یمنی شہید و زخمی ہوئے ہیں۔
المسیرہ کی رپورٹ کے مطابق الحدیدہ میں اپنی شکت کا بدلہ لینے کے لئے سعودی کوششیں جاری ہیں اور الحدیدہ کے ٹیلی کمیونیکیشن کے ادارے پر سعودی اتحاد کے جنگی طیاروں کے کل رات کے ہونے والے حملے میں متعدد یمنی شہید و زخمی ہوئے ہیں۔
یمن کی مسلح افواج کی جانب سے ابوظہبی پر کئے جانے والے جوابی میزائلی اور ڈرون حملے کے بعد سعودی و امریکی اتحاد کی طرف سے جارحیت کا سلسلہ تیز ہو گیا ہے جس میں اب تک درجنوں یمنی عام شہری شہید و زخمی ہو چکے ہیں۔
