امارات پر انصار اللہ کے حالیہ حملے کے بارے میں بن سلمان اور بن زاید کے درمیان گفتگو

شیعیت نیوز: سعودی عرب کے ولی عہد بن سلمان اور ابوظہبی کے ولی عہد بن زاید نے ٹیلی فون پر بات چیت میں اس بات پر زور دیا کہ سعودی عرب اور متحدہ عرب امارات کو نشانہ بنانے سے اس طرح کے اقدامات کا مقابلہ کرنے کے لیے دونوں ممالک کے عزم میں اضافہ ہوگا۔

سعودی ولی عہد شہزادہ محمد بن سلمان نے ابوظہبی کے ولی عہد شہزادہ محمد بن زاید سے ٹیلیفون پر ابوظہبی ایئرپورٹ اور متحدہ عرب امارات میں بعض اہم مقامات پر انصار اللہ کے حملے کے بارے میں بات کی ۔

یہ بھی پڑھیں : بیشتر عرب ممالک کے وزرائے خارجہ کو شامی وزیر خارجہ کا پیغام

ٹیلی فون پر گفتگو میں بن سلمان نے سعودی عرب اور متحدہ عرب امارات پر انصار اللہ کے کل کے حملے کی مذمت کی، حملوں میں متعدد افراد کی ہلاکت پر تعزیت کا اظہار کیا اور زخمیوں کی جلد صحت یابی کی دعا کی۔

دونوں فریقوں نے بات چیت میں اس بات پر زور دیا کہ سعودی عرب اور متحدہ عرب امارات کو نشانہ بنانے والی ایسی کارروائیاں ان دشمن ’’دہشت گرد‘‘ کارروائیوں کا مقابلہ کرنے کے لیے دونوں ممالک کے عزم کو بڑھاتی ہیں۔

یہ بھی پڑھیں : ہم یہ پوچھنے میں حق بجانب ہیں کہ شیعہ ٹارگٹ کلنگ میں مصروف دہشت گردوں کے سامنے حکومت کیوں بے بس ہے؟علامہ وحید کاظمی

بن زاید نے ہمدردی کے اظہار پر بن سلمان کی تعریف کی، جس میں دونوں ممالک اور برادر قوم کے درمیان مضبوط تعلقات اور دشمن قوتوں کا مقابلہ کرنے کے ان کے عزم پر زور دیا گیا ہے۔

انصار اللہ کے فوجی ترجمان نے کہا کہ دبئی کے ہوائی اڈے، اور ابوظہبی آئل ریفائنری اور ملک کی متعدد اہم اور حساس تنصیبات کو 5 بیلسٹک اور گائیڈڈ میزائلوں اور بڑی تعداد میں UAVs سے نشانہ بنایا گیا۔

ان حملوں میں تین افراد ہلاک اور آٹھ زخمی ہوئے۔