متحدہ عرب امارات کا یمن میں ایک اور نیا فوجی ہوائی اڈہ تعمیر کرنے کا منصوبہ
شیعیت نیوز: خبر رساں ذرائع نے اطلاع دی ہے کہ متحدہ عرب امارات کے جنوبی یمن کے جزیرے سقطری میں ایک نیا فوجی ہوائی اڈہ تعمیر کے لیے نئے اقدامات کیے ہیں۔
یمن نیوز سائٹ کی رپورٹ کے مطابق متحدہ عرب امارات جنوبی یمن میں واقع سقطری جزیرے پر ایک نیا فوجی ہوائی اڈہ بنانے کی کوشش کر رہا ہے۔
یہ بھی پڑھیں : جعلی اینکر و اسکالر اور پی ٹی آئی کے ایم این اے عامر لیاقت کی جانب سے مکتب تشیع کی بدترین توہین،شیعیان حیدرکرارؑ میں اشتعال
رپورٹ کے مطابق یمنی نیوز نے عسکری ذرائع کے حوالے سے بتایا ہے کہ غیر ملکی ماہرین کی ایک ٹیم نے اس اسٹریٹیجک جزیرے پر دوسرے فوجی ہوائی اڈے کی تعمیر کے لیے حدیبو شہر کا دورہ کیا ۔
ذرائع نے جزیرے پر متحدہ عرب امارات کی انٹیلی جنس کارروائیوں کو بڑھانے کے اقدام کے طور پر سقطری میں ایک نیا فوجی ہوائی اڈہ تعمیر کرنے کے متحدہ عرب امارات کے اقدام کا حوالہ دیا۔
یہ بھی پڑھیں : دنیا بھر میں مستکبرین کی ذلت ورسوائی کے ساتھ شکست کے بعد مستضعفین عالم کی رہبری کے دور کا آغاز ہوا ہے، علامہ مقصودڈومکی
یادرہے کہ اماراتی افواج نے اس سے قبل سقطری کے شہری ہوائی اڈے کو فوجی ہوائی اڈے میں تبدیل کر دیا تھاجبکہ متحدہ عرب امارات کا یہ اقدام سقطری میں اسرائیلی فوجیوں کی مسلسل آمد اور بین الاقوامی جہاز رانی کے راستوں کو کنٹرول کرنے کے لیے انٹیلی جنس بیس کے طور پر جزیرے پر قبضہ کرنے کی اس حکومت کی کوششوں کے ساتھ مطابق ہے تاکہ نہتے یمنیوں کے محاصرے میں مزید شدت لائی جا سکے۔
