چین کا امریکہ کو انتباہ، بلا جواز پابندیوں کا منہ توڑ جواب دیا جائےگا
شیعیت نیوز: چین نے امریکہ کو خبردار کیا ہے کہ غیر محتاط اور بلا جواز پابندیوں سے باز رہے ورنہ پوری شدت سے جوابی وار کریں گے۔
عالمی خبر رساں ادارے کے مطابق امریکہ نے مصنوعی ذہانت کی کمپنی ’سینس ٹائم‘ سمیت چینی افراد اور اداروں پر انسانی حقوق کی خلاف ورزی کا الزام عائد کرتے ہوئے کڑی پابندیاں عائد کی ہیں جس پر چین نے سخت ردعمل دیا ہے۔
چین کی وزارت خارجہ کے ترجمان وانگ وین بِن نے امریکی پابندیوں کی مذمت کرتے ہوئے امریکہ کو متنبہ کیا ہے کہ غیر محتاط اور بلا جواز پابندیوں پر بھرپور جوابی حملہ کریں گے۔
یہ بھی پڑھیں : بحرینی شاہی حکومت عرصۂ دراز سے قید سیاسی قیدیوں کو فی الفور رہا کرے، ہیومن رائٹس واچ
ترجمان وزارت خارجہ نے امریکہ سے پابندیاں ہٹانے کا مطالبہ کرتے ہوئے کہا کہ چین کے اندرونی معاملات میں مداخلت اور چین کے مفادات کو نقصان پہنچانا بند کرے۔
ترجمان وانگ وین بِن نے سنکیانگ میں مسلم اویغور کمیونٹی کے حوالے سے چین کی پالیسیوں کا دفاع کرتے ہوئے کہا کہ تشدد، دہشت گردی، علیحدگی پسندی اور مذہبی انتہا پسند قوتوں کا مقابلہ کرنے کے لیے پُرعزم ہیں۔
یہ بھی پڑھیں : سعودی شاہی خاندان آل سعود کی اسلام دشمن اور فحش پالیسیوں کے خلاف غیور پاکستانی مسلمانوں کےصبرکا پیمانہ لبریز
واضح رہے کہ امریکہ نے مصنوعی ذہانت کی کمپنی ’’سینس ٹائم‘‘ سمیت چینی افراد اور اداروں پر سنکیانگ میں انسانی حقوق کی خلاف ورزی کا الزام عائد کرتے ہوئے کڑی پابندیاں عائد کی تھی۔
چینی افراد اور اداروں پر امریکہ نے چینی افراد اور اداروں پابندیاں عائد کرتے ہوئے کہا تھا کہ یہ لوگ سنکیانگ میں انسانی حقوق کی خلاف ورزی میں ملوث ہیں۔
