امریکہ جمہوریت کو ہتھیار کے طور پر استعمال کرتا ہے، چینی وزارت خارجہ

شیعیت نیوز: چینی وزارت خارجہ کے ترجمان نے کہا کہ امریکہ جمہوریت کو بطور ہتھیار استعمال کرکے وسیع پیمانے پر تباہی مچاتا ہے. جبکہ خود امریکہ کی جمہوریت کرپٹ اور ناکام ہے۔

غیر ملکی نیوز ایجنسی ایس بی ایس کے مطابق امریکہ کے اس فیصلے پر چین نے امریکہ کو شدید تنقید کا نشانہ بنایا ہے۔

جمہوریت کے حوالے سے امریکہ کی سرکردگی میں منعقد ہونے جارہے ورچوئل سمٹ میں روس، چین اور ہنگیری کو شامل نہیں کیا گیا ہے۔

ترجمان کا کہنا تھا کہ کے امریکہ جمہوریت کا نام لے کر دوسرے ممالک کے معاملات میں دخل اندازی کرتا ہے۔

امریکی صدر کے خلاف سخت الفاظ استعمال کرتے ہوئے کہا کہ جوبائیڈن سرد جنگ کا نظریہ اپناتے ہوئے فاصلے پیدا کررہے ہیں۔

وزارت خارجہ نے یہ بھی کہا کہ سمٹ کے پیچھے امریکہ کا مقصد نظریاتی تعصب میں اضافہ کرنا، جمہوریت کو بطور ہتھیار استعمال کرنا اور تقسیم اور جھگڑوں کو ہوا دینا ہے۔

یہ بھی پڑھیں : علماء وذاکرین تشیع کے خلاف جاری سرکاری سازشوں کو ناکام بنانے کیلئے مشترکہ جدوجہد کریں، علامہ ساجد نقوی

دوسری جانب امریکی صدر جو بائیڈن نے روسی صدر ولادمیر پیوٹن کو دھمکی دیتے ہوئے خبردار کیا ہے کہ اگر روس نے یوکرائن پر حملہ کیا تو اسے بھاری قیمت چکانا پڑے گی۔

غیر ملکی میڈیا کے مطابق امریکی صدر جو بائیڈن نے روسی صدر کو مخاطب کرتے ہوئے کہا کہ یوکرائن پر حملے کی صورت میں روس کو تباہ کن معاشی نتائج کا بھی سامنا کرنا پڑے گا۔

اس سے قبل بھی امریکی صدر جو بائیڈن روس کے صدر ولادیمیر پیوٹن کو قاتل قرار دے چکے ہیں۔ جو بائیڈن نے کہا تھا کہ آپ دیکھیں گے کہ ولادیمیر پیوٹن کو عنقریب قیمت چکانی پڑے گی۔

برطانوی وزیر خارجہ نے بھی روس کو دھمکی دی ہے کہ یوکرائن پر حملہ کیا گیا تو ماسکو کے خلاف تمام آپشنز زیر غور ہوں گے۔