آل سعود کے ہاتھوں سعودی عرب میں نیم برہنہ رقاصاؤں کے درمیان کلمہ طیبہ کی توہین ،نام نہاد عاشقان رسولؐ کی غیرت سو گئی

شیعیت نیوز: سرزمین مقدس کعبتہ اللہ پر قابض آل سعود کی جانب سے ماڈرن ازم کے نام پر شعائر اسلامی کی بدترین توہین تواتر کے ساتھ جاری ، نام نہاد عاشقان رسولؐ اور پاکستان میں نبی کریم ؐ کی حرمت اور ناموس کے نام پر لوگوں کو زندہ جلانے والے اور ملک بھرکو دھرنے دیکر جام کرنے والوں کو سانپ سونگ گیا۔ سعودی حکومت کے خلاف کوئی احتجاج یا مظاہرہ نہیں ۔

تفصیلات کے مطابق آل سعود مثل یہود نے سرزمین مقدس کی حرمت پامال کرنے کی ٹھان رکھی ہے،سودی عرب کے درالحکومت ریاض میں جمعہ کے مبارک روز بھارتی فنکاروں کا بیہودہ کنسرٹ منعقد ہوا، کلمہ طیبہ لکھا ہوا پرچم بھی نیم برہنہ رقاصاؤں کے بیچ اسٹیج پر لہرا دیا گیا۔لیکن افسوس کسی عاشق رسول ؐ کی غیرت نہیں جاگی۔

یہی نہیں بلکہ مختلف سعودی مصنوعات بنانے والی کمپنیوں کی جانب سے خواتین کی ایسی مخصوص ملبوسات بھی بنائی جارہی ہیں جن پر کلمہ طیبہ درج ہے ، یہ پروڈکٹ مختلف مارکٹنگ کمپنیوں کی ویب سائٹس پرباآسانی دستیاب ہیں۔

یہ بھی پڑھیں: سرزمین وحی پر فحشاء ومنکرات کی ترویج پر عاَلم وعلمائے اسلام کی خاموشی حیرت انگیز ہے،علامہ مقصود ڈومکی

آل سعود بالخصوص سعودی ولی عہد محمد بن سلمان نے اسلامی شعائر کی توہین کا سلسلہ جاری رکھتے ہوئے سرزمین کعبہ اور سرزمین وحی پر بیہودگی اور فحاشی کا ایک اور کنسرٹ کرواڈالا اور اس بار یہ بیہودہ کام جمعے کے مبارک روز انجام دیا گیا ہے۔ساتھ ہی کلمہ طیبہ کی بے حرمتی بھی کی گئی۔

یاد رہے کہ بدنام زمانہ ریاض سیزن میں دنیا بھر سے فحش گلوکار و رقاصائیں بلائی جاتی ہیں ساتھ ہی ان محفلوں میں شراب اور دیگر حرام کاموں کی بھی کھلی چھٹی دی جاتی ہے اور اس سب کو سعودی ولی عہد محمد بن سلمان کی جانب سےروشن خیالی کا نام دیا جاتا ہے۔

امت مسلمہ کی جانب سے آل سعود کے ان حرام کاموں اور اسلامی شعائر اور مقدسات کی توہین پر خاموشی اس کام کے مزید بڑھاوے کا سبب بن رہی ہے۔غیرت مندمسلمان قابض آل سعود خاندان سے پرزورمطالبہ کرتے ہیں کہ یہ تو وہ شعائر اسلامی اور کلمہ طیبہ کی توہین سے باز آجائیں یا اپنے قومی پرچم سے کلمہ طیبہ کی عبارت کو حذف کروادیں ۔

سعودی عرب میں کلمہ طیبہ کی توہین پر مبنی ویڈیو نیچے موجود ہے لازمی ملاحظہ فرمائیں