یمن کے صوبے صعدہ اور صنعا کے عوام کا امریکہ کے خلاف پھر مظاہرہ
شیعیت نیوز: یمن کے صوبے صعدہ اور صنعا کے عوام نے امریکہ کے خلاف پھر مظاہرے کیے ہیں۔
فوجی و اقتصادی کشیدگی اور یمن پر جارحیت و محاصرے کے پیچھے امریکہ کا ہاتھ ہے کہ عنوان سے ہونے اس مظاہرے میں ہزاروں یمنی شہری شریک تھے۔
مظاہرین کا کہنا تھا کہ امریکہ جارح سعودی اتحاد کی مسلسل حمایت کر رہا ہے اور رائے عامہ کو دھوکہ دینے کے لیے یمن میں امن کا راگ بھی الاپتا ہے۔
صعدہ میں عوامی مظاہرے کے بعد جاری ہونے والے ایک بیان میں کہا گیا ہے کہ جارح اتحاد کے لیے امریکہ کی سیاسی اور فوجی حمایت کسی سے پوشیدہ نہیں، اور یہ امریکہ ہی ہے جو یمنی عوام کے خلاف ظالمانہ جنگ جاری رکھے ہوئے ہے۔
بیان میں کہا گیا ہے کہ یمن کے عوام سعودی اتحاد کی جارحیت کا مناسب جواب دینا اپنا حق سمجتھے ہیں۔ بیان میں جارح اتحاد میں شامل ملکوں کو خبردار کرتے ہوئے کہا گیا ہے کہ تم نے امریکہ پر بھروسہ کرکے اپنے پیروں پر خود کلہاڑی مار دی ہے۔
یہ بھی پڑھیں : یمن کا محاصرہ ختم نہ کیا تو سعودی عرب کے خلاف نئے وسیع آپریشن انجام دیئے جائیں گے
یمن کے دوسرے شہروں کی طرح دار الحکومت صنعا میں پیر کے روز امریکی پالیسی اور اسکی حرکتوں کے خلاف بڑے پیمانے پر ریلی نکالی گئی جس میں لاکھوں کی تعداد میں لوگ شریک ہوئے۔
یمن کے خلاف امریکی کرتوتوں پر اعتراض کرنے کے لئے دارالحکومت صنعاء میں عوام نے سڑکوں پر نکل کر امریکہ کے خلاف اپنے غصے کا اظہار کیا۔
اس ریلی کو یمن کی اعلی انقلابی کمیٹی کے سربراہ محمد علی الحوثی نے خطاب کرتے ہوئے کہا: امریکہ ہی اصل شیطان ہے جو یمن پر حملے کروا رہا ہے۔
انہوں نے کہا کہ یمن کے عوام کے سر پر گرنے والے ہر گولے، مارٹر گولے، میزائیل اور بم امریکی ہیں، اگر امریکہ نہ ہوتا تو یمن کے خلاف جارحیت نہیں ہوتی اور جارح ممالک کچھ بھی نہیں کر پاتے۔
نہوں نے یمنی حکومت اور عوامی رضاکار کمیٹی کے خلاف امریکی پابندیوں کا ذکر کرتے ہوئے کہا کہ سعودی اتحاد اور امریکہ گفتگو میں سنجیدہ نہیں ہیں، بلکہ وہ صرف نمائشی بات چیت کرنا چاہتے ہیں۔ وہ یمن کی زمینی، ہوائی اور سمندری ناکہ بندی کے ذریعہ عوام کو نشانہ بنا رہے ہیں۔
کچھ دن پہلے امریکی تھنک ٹینک کوئینسی نے ایک رپورٹ شائع کی تھی جس میں کہا گیا تھا کہ سعودی عرب امریکی حمایت کے بنا موجودہ حالت میں حملے جاری نہیں رکھ سکتا۔ رپورٹ میں مزید آیا ہے کہ واشنگٹن کا جنگ کے آغاز سے اس جارحیت میں کلیدی رول رہا ہے۔
یمن پر سعودی عرب اور اس کے اتحادی 26 مارچ سنہ 2015 سے حملے کر رہے ہیں۔
