شیعہ علماءکونسل کے رہنما علامہ رمضان توقیر کی دعوت پر پی ٹی آئی رہنما و وفاقی وزیر علی امین گنڈہ پورکی الکوثر سکول اینڈ کالج کے افتتاح وجشن صادقینؑ میں خصوصی شرکت
ان کا کہنا تھا کہ ادارے سے تعلیم و تربیت پانے والے طلبہ معاشرے کی تعمیر و ترقی میں کلیدی کردار ادا کرینگے۔
شیعیت نیوز: کوٹلی امام حسین (ع) ڈیرہ اسماعیل خان میں الکوثر سکول اینڈ کالج کی افتتاحی اور جشن صادقین کی تقریب منعقد ہوئی۔ تقریب کے مہمان خصوصی وفاقی وزیر امور کشمیر سردار علی مین خان گنڈہ پور تھے۔
تقریب کی صدارت الکوثر سکول اینڈ کالج کے چیف ایگزیکٹو علامہ محمد رمضان توقیر، پرنسپل سید مرتضی شیرازی، مولانا قاری سراج احمد خلیل، مولانا طاہر نجفی، ندیم بلوچ ایڈوکیٹ، مولانا کاظم حسین مطہری، سید انصار علی زیدی کے علاوہ مختلف سکولز اینڈ کالجز کے اساتذہ و طلباء اور میڈیا نمائندوں کے علاوہ ڈیرہ کی سیاسی و سماجی شخصیات نے شرکت کی۔
یہ بھی پڑھیں: کسی سے بلیک میل نہ ہونے کے دعویدار وزیر اعظم عمران خان آخر کارکالعدم ٹی ایل پی کے ہاتھوں بلیک میل ہوہی گئے
تقریب سے مہمان خصوصی وفاقی وزیر امور کشمیر علی امین خان گنڈہ پور، علامہ محمد رمضان توقیر، مولانا سراج احمد خلیل، پرنسپل سید مرتضی شیرازی خطاب کیا۔ علامہ محمد رمضان توقیر نے اپنے خطاب میں نئی نسل کی بہتر تعلیم و تربیت پہ زور دیا۔ تقریب کے دوران سکول، کالجز کی طالبات بچوں اور نعت خوانوں نے نعتیں و منقبیں پیش کی۔
مہمان خصوصی کو الکوثر سکول اینڈ کالج کے چیف ایگزیکٹو علامہ محمد رمضان توقیر نے قرآن مجید کا تحفہ دیا۔ الکوثر سکول اینڈ کالج کے پرنسپل سید مرتضٰی شاہ نے اپنی گفتگو میں ادارے کے اہداف و مقاصد پہ روشنی ڈالی۔ ان کا کہنا تھا کہ ادارے سے تعلیم و تربیت پانے والے طلبہ معاشرے کی تعمیر و ترقی میں کلیدی کردار ادا کرینگے۔
