یمن پر جارحیت کے خلاف بحرین میں احتجاجی مظاہرے
شیعیت نیوز: یمن پر جارحیت کے خلاف بحرین میں احتجاجی مظاہرے ہوئے۔
العہد کی رپورٹ کے مطابق سعودی اتحاد کی یمن پر جارحیت کے خلاف بحرین کے صوبہ الشمالیہ میں کل بروز جمعہ احتجاجی مظاہرے ہوئے۔ مظاہرین نے سعودی عرب کی سرکردگی میں جنگ کے خاتمے اور جارحین کے خلاف نعرے لگائے۔ بحرین میں ہونے والے احتجاجی مظاہرے میں لبنان کے وزیر اطلاعات جارج قرداحی سے بھی اظہار یکجہتی کیا گیا۔
بحرینی مظاہرین نے اسی طرح غاصب صیہونی حکومت کے ساتھ آل خلیفہ حکومت کے تعلقات کی برقراری کے اقدام کی بھی مذمت کی۔
یہ بھی پڑھیں : یمنی فوج نے صوبہ مآرب میں ام ریش فوجی اڈے کا کنٹرول سنبھال لیا
سعودی عرب اور متحدہ عرب امارات امریکہ اور چند دیگر ممالک کی مدد سے مارچ دوہزار پندرہ سے یمن پر فوجی حملے کر رہا ہے اور اس ملک کا بری ، بحری اور فضائی محاصرہ کئے ہوئے ہے۔
یمن میں سعودی عرب اور اس کے اتحادیوں کے جارحانہ حملوں میں اب تک سولہ ہزار سے زیادہ یمنی شہید، دسیوں ہزار زخمی اور لاکھوں دربدر اور بے گھر ہوچکے ہیں۔
سعودی اتحاد کی جاری وحشیانہ جارحیت اور محاصرے کے نتیجے میں عالم اسلام کے اس غریب عرب ملک کو غذائی اشیا اور دواؤں کی شدید قلّت کا سامنا ہے۔اس کے باوجود سعودی اتحاد یمنی عوام کے خلاف اب تک اپنا کوئی بھی مقصد حاصل کرنے میں کامیاب نہیں ہو سکا ہے۔
