شہید ِ حجاز مقدس شیخ نمرباقرالنمرکے بھتیجے 10 برس بعد آل سعود کی قید سے آزاد
واضح رہے کہ سعودی حکومت نے 2 جنوری 2016 کو سعودی عرب کے ممتاز عالم دین اور عوام کے حقوق کی بحالی کی تحریک کے علمبردار آیت اللہ شیخ باقر نمر کو بے دردی کے ساتھ شہید کر دیا تھا
شیعیت نیوز: شہید ِ حجاز مقدس شیخ نمرباقرالنمرکے بھتیجے10 برس بعد آل سعود کی قید سے آزاد۔شہید شیخ باقر النمرکے بھتیجے علی النمر 10 سال بعد سعودی جیل سے رہا۔علی النمر کو سعودی حکومت کے خلاف ہونے والے مظاہروں میں شرکت کرنے کے جرم میں پہلے پھانسی کی سزا سنائی گئی تھی۔
اطلاعات کے مطابق سعودی عرب میں شیعہ مسلمانوں کے قائد شہید نمر باقر النمر کے بھتیجے علی النمر کو 2012 میں اس وقت مظاہروں میں شرکت کرنے کے بے بنیاد الزام میں گرفتار کیا گیا جب ان کی عمر 17 سال تھی۔
یہ بھی پڑھیں:عمران خان حکومت ایکبار پھرسی پیک کے دشمن امریکہ کے اتحادی سعودی عرب کےآگے ہاتھ پھیلانے پر مجبور
انھیں پہلے پھانسی کی سزا سنائی گئی لیکن عالمی دباؤ کے بعد سعودی انتظامیہ ان کی سزا کو10 سال قید میں تبدیل کرنے پر مجبور ہوئی جس کے بعد وہ 10 سال تک جیل کی صعوبتیں برداشت کرنے کے بعد کل جیل سے رہا ہوئے۔جیل سے رہائی کے بعد جب وہ اپنے آبائی گھر پہنچے تو اس وقت انتہائی رقت آمیز مناظر دیکھنے میں آئے سوشل میڈیا پر جاری ویڈیو میں دیکھا جاسکتا ہے کہ آل نمر کی خواتین علی النمر کو دیکھ کر فرط جذبات پر قابو نہ رکھ سکیں اور ان سے لپٹ کر زاروقطار رونے لگیں۔
یہ بھی پڑھیں: خائنینِ مسلمین ، متحدہ عرب امارات کی فضائیہ کے سربراہ کا دورہ اسرائیل
واضح رہے کہ سعودی حکومت نے 2 جنوری 2016 کو سعودی عرب کے ممتاز عالم دین اور عوام کے حقوق کی بحالی کی تحریک کے علمبردار آیت اللہ شیخ باقر نمر کو بے دردی کے ساتھ شہید کر دیا تھا، سعودی حکومت نے ان کے اہل خانہ کو اطلاع دئیے بغیر ہی انہیں نامعلوم مقام پر دفن کر دیا ۔ شہیدآیت اللہ باقرالنمر کی مظلومانہ شہادت پر پوری دنیا میں مسلمانوں نے بلا تفریق مذہب و مسلک احتجاج کیا اور سعودی حکومت کے اس وحشیانہ اقدام کی مذمت کی ۔
شیخ علی النمر کی رہائی کے بعد اہل خانہ سے ملاقات کے مناظرملاحظہ فرمائیں
