چہلم امام حسینؑ سے ایک روز قبل داعش کے 2 خطرناک دہشت گرد کراچی سے گرفتار

شیعیت نیوز: چہلم امام حسینؑ سے ایک روز قبل داعش کے 2 خطرناک دہشت گردکراچی میں واصل جہنم ،کاؤنٹر ٹیررزم ڈیپارٹمنٹ (سی ٹی ڈی) نے کراچی میں کارروائی کرتے ہوئےامریکی و سعودی نوازعالمی دہشت گر د تنظیم کالعدم داعش سے تعلق رکھنے والے 2 دہشتگردوں کو گرفتار کرلیا، گرفتار دہشتگردوں نے افغانستان سے دہشتگردی ٹریننگ حاصل کی۔

تفصیلات کے مطابق کراچی میں کاؤنٹر ٹیررزم ڈیپارٹمنٹ (سی ٹی ڈی) نے حساس ادارے کے ہمراہ ماڑی پور نیو ٹرک اسٹینڈ پر کارروائی کی اور کارروائی کے دوران کالعدم داعش سے تعلق رکھنے والے 2 دہشتگردوں کو گرفتار کرلیا، دہشتگردوں میں نسیم اللہ عرف نسیم اور عیسیٰ عرف حکیم لقمان شامل ہیں۔

یہ بھی پڑھیں: تمام اداروں کو واضح پیغام دیتے ہیں کہ عزاداری کے معاملے میں کسی کو اختیارات سے تجاوز کی اجازت نہیں دی جائے گی، علامہ باقرعباس زیدی

انچارج سی ٹی ڈی مظہر مشہوانی نے بتایا کہ دہشتگردوں سے 2 پستول بمعہ راؤنڈ برآمد ہوئے ہیں، دہشتگردوں نے افغانستان سے دہشتگردی ٹریننگ حاصل کی اور چھوٹے بڑے ہتھیار چلانے میں مہارت رکھتے ہیں۔

انچارج سی ٹی ڈی کا کہنا تھا کہ گرفتار دہشتگرد بارودی مواد سے دھماکے میں بھی ماہر ہیں، جبکہ دہشتگرد نسیم اللہ داعش کے ہلاک دہشتگرد حفیظ پندرانی اور صدیق کا داماد ہے۔

مظہر مشہوانی نے مزید بتایا کہ نسیم اللہ نے دونوں دہشتگردوں کی بیٹیوں سے شادی کی تھی، ہلاک دہشتگردوں کی بیٹیاں اسلحہ و بارود نقل و حرکت میں مدد کرتی تھی۔