صیہونی فوج کی لبنانی فضائی حدود کی 7 بار خلاف ورزی

شیعیت نیوز: لبنانی فوج نے ایک بیان میں کہا کہ اسرائیلی دشمن کے ایک جاسوس طیارے نے 19 اگست کو 12.10 بجے دامور قصبے کے سامنے سمندر سے لبنانی فضائی حدود کی خلاف ورزی کی اور بیروت کے علاقوں پر پروازیں کیں۔

لبنانی فوج کی کمان نے ایک بیان میں کہا کہ  اس نے اسرائیلی جنگی طیاروں اور جاسوس طیاروں کی طرف سے کی گئی 7 فضائی خلاف ورزیوں کا پتہ لگایا ہے۔

اس کے نواحی علاقے ، بعبدہ اور عالیہ کی فضائی حدود میں چکر لگائے۔ پھر فضائی حدود پر سمندر کے اوپر سے پروازیں کی گئیں اور مغرب میں نقورہ کے مقام سے چکر لگائے گئے۔

بیان میں مزید کہا گیا ہے کہ اسی تاریخ کواسرائیلی دشمن کے جنگی طیاروں سے 6 فضائی خلاف ورزیاں کیں۔ اس دوران لبنان کے مختلف علاقوں میں دائرے کی شکل میں  پروازیں کی گئیں۔

یہ بھی پڑھیں : استقامت، فلسطینیوں کا اسٹریٹیجک آپشن ہے، اسماعیل ہنیہ

دوسری جانب لبنان نے اقوام متحدہ میں باضابطہ طور پر اپنے ملک کی فضائی حدود کی بار بار خلاف ورزیوں پر صیہونی ریاست کے خلاف ایک بار پھر شکایت پیش کی ہے۔

لبنان کی طرف سے اقوام متحدہ میں پیش کی گئی شکایت میں کہا گیا ہے کہ قابض صیہونی فوج روزانہ کی بنیاد پر لبنانی فضائی حدود میں گھس کر ملک کی خود مختاری کو پامال کررہی ہے۔ لبنان اس طرح کے اقدامات کی شدید مذمت کرتے ہوئے اقوام متحدہ سے اسرائیل کے خلاف کارروائی کا مطالبہ کرتا ہے۔

لبنانی وزارت خارجہ کے بیان کے مطابق جمعہ کو لبنان نے اپنے نمائندے کے ذریعے اقوام متحدہ میں اسرائیلی فوج کی طرف سے لبنانی فضائی حدودکی خلاف ورزیوں کی شکایت کی اور اسرائیل کو لبنان کی فضائی حدود کو پامال کرنے کے اقدامات سے روکنے کا مطالبہ کیا۔

لبنانی وزیر دفاع اور خارجہ امور زینہ عکر نے اسرائیلی دشمن کی جانب سے لبنانی فضائی حدود سے شام پر میزائل حملوں کی مذمت کی اور اسے لبنان کی خود مختاری کی کھلی خلاف ورزی قرار دیا۔

خیال رہے کہ دو روز قبل اسرائیلی طیاروں نے لبنان کی فضائی حدود استعمال کرتے ہوئے شام میں مختلف اہداف پر بمباری کی تھی۔ اس کے علاوہ قابض صیہونی فوج نے لبنان کی فضائی حدود میں بغیر اجازت کے نچلی پروازیں بھی کیں۔