صیہونی جہاز مرسر اسٹریٹ پر حملے کے سلسلہ میں اسرائیلی الزامات بے بنیاد ہیں، روس
شیعیت نیوز: اقوام متحدہ میں روس کے نائب سفیر ڈیمٹری پولیانسکی نے خبرنگاروں کے ساتھ گفتگو کے دوران، غاصب صیہونی حکومت سے متعلق بحری بیڑے مرسر اسٹریٹ پر ہونے والے مشکوک حملوں کے حوالے سے ایران پر عائد کئے جانے والے صیہونی و برطانوی الزامات کو مسترد کر دیا ہے۔
روس نے سلامتی کونسل کی جانب سے بحیرۂ عمان میں اسرائیلی جہازپر ہونےو الےحملے پر رد عمل ظاہر کیا اور صیہونی ذرائع کے کچھ تجزیوں کو مسترد کردیا۔
ٹاس نیوز ایجنسی کی رپورٹ کے مطابق اقوام متحدہ میں روس کے نائب سفیر دمتری پولیانسکی نے عمان کے سمندر میں اسرائیلی جہازپر حملے کے واقعے میں سلامتی کونسل کی مداخلت کرنے پر ردعمل ظاہر کیا۔
یہ بھی پڑھیں : حزب اللہ کا اسرائیل کے وحشیانہ ہوائی حملوں کا منہ توڑ جواب، کئی درجن راکٹ فائر
روسی سفارت کار نے بحیرہ عمان میں صیہونی جہاز مرسر اسٹریٹ کو پیش آنے والے واقعے کی تحقیقات کے بارے میں کہاکہ تل ابیب اور بعض ممالک کی جانب سے حالیہ مبینہ معلومات متضاد اور قیاس آرائیوں پر مبنی ہیں۔
اقوام متحدہ میں روس کے نائب سفیر نے کہا ہے کہ ماسکو تفصیلات کا جائزہ لے رہا ہے جبکہ حقائق کو واضح کرنے کے لیے کریملن نے کئی قیاس آرائیوں کے تجزیوں کو مسترد کر دیا ہے۔
یہ بھی پڑھیں : عملدرآمد میں کمی جوہری معاہدے کے مطابق اور میزائل پروگرام بھی اس سے متصادم نہیں
واضح رہے کہ گذشتہ جمعرات سے جب سے اسرائیلی جہاز مرسر اسٹریٹ عمان سمندر میں تباہ ہوا ہے، کچھ علاقائی اور مغربی ذرائع ابلاغ نے فوری طور پر ایران کو مورد الزام ٹھہرایا اوریہ دعویٰ کیا کہ ایرانی ڈرونز نے جہاز کو نشانہ بنایا ہے۔
واضح رہے کہ یہ جھوٹا دعوی جس کے لیے اب تک کوئی ثبوت پیش نہیں کیا گیا ہے ، مغربی اور صیہونی حکام کی جانب سے ایران کے خلاف جھوٹے الزامات کی لہر کا باعث بنا ہے جس کا سلسلہ اب تک جاری ہے۔
