صیہونی صرف مزاحمت کے ذریعے پیچھے ہٹ جانے پر مجبور ہیں، علامہ ابراہیم رئیسی

شیعیت نیوز: ایرانی منتخب صدر علامہ ابراہیم رئیسی نے کہا ہے کہ قابض صیہونی صرف مزاحمت کے ذریعے پیچھے ہٹ جانے پر مجبور ہوں گے۔

یہ بات علامہ سید ابراہیم رئیسی نے بدھ کے روز فلسطینی اسلامی مزاحمتی تحریک (حماس) کے سیاسی دفتر کے سربراہ ، اسماعیل ہنیہ کے ساتھ ایک ٹیلیفونگ رابطے پر گفتگو کرتے ہوئے کہی۔

انہوں نے ’’قدس کی تلوار‘‘ حالیہ جنگ میں فلسطینیوں کے مزاحمت کی فتح پر مبارکباد پیش کرتے ہوئے کہا کہ اس فتح نے غاصبوں کے خلاف فلسطینی عوام کی مزاحمت کا ایک نیا باب کھول دیا اور دوسری بار صہیونی غاصبوں اور ان کے حامیوں کے خلاف مزاحمت کی تاثیر کو ظاہر کیا۔

رئیسی نے کہا کہ صیہونیوں کا مزاج جارحیت اور قبضہ ہے اور صرف جارحیت کا مقابلہ کرنے اور پیچھے ہٹ جانے پر مجبور ہیں۔

انہوں نے اس بات پر زور دیا کہ ایران کی اصولی پالیسی فلسطینی مقصد کی حمایت کرنا اور ظالم کے خلاف لڑنا ہے، غزہ کا محاصرہ جاری رکھنا کسی بھی انسانی بنیاد سے متصادم نہیں ہے اور معصوم بچوں اور خواتین کے قتل کے خلاف عالمی برادری کی خاموشی انسانی ذمہ دار ہے۔

یہ بھی پڑھیں : شام میں العمر آئل فیلڈ بیس کے قریب امریکی اڈے پر حملہ

اسماعیل ہنیہ نے بھی ریئسی کو صدارتی انتخابات میں ایرانی عوام کا اعتماد حاصل کرنے میں کامیابی پر مبارکباد پیش کرتے ہوئے کہا کہ بلاشبہ آپ کی موجودگی علاقائی مساوات سیمت فلسطینی مسائل میں موثر کردار ادا کرے گی۔

انہوں نے ’’قدس کی تلوار‘‘ جنگ میں فلسطینی مزاحمت کی فتح کا حوالہ دیتے ہوئے کہا کہ یہ فتح دنیا کی تمام آزاد اور آزادی پسند قوموں کی ہے۔

دوسری جانب ایران کے نو منتخب صدر آیت اللہ سید ابراہیم رئیسی نے عراق کے نام ایک پیغام ارسال کر کے اسپتال سانحے میں ہوئے انسانی جانوں کے ضیاع پر عراقی حکومت و عوام کو تعزیت پیش کی ہے۔

ارنا نیوز کے مطابق آیت اللہ رئیسی نے ناصریہ شہر کے امام حسین اسپتال میں آتشزدگی کے واقعہ پر افسوس ظاہر کرتے ہوئے عراقی حکومت و عوام اور متاثرہ کنبوں کے ساتھ ہمدردی کا اظہار کیا۔

اس سے قبل بھی ایران کے متعدد اعلیٰ حکام منجملہ صدر روحانی نے پیغامات جاری کر کے اسپتال میں پیش آئے ہولناک واقعے کے پر عراقی عوام اور متاثرین کو تعزیت پیش کی تھی۔