طالبعلم کے ساتھ بدفعلی، مولانافضل الرحمٰن کے قریبی ساتھی مفتی عزیز الرحمٰن کی گرفتاری کیلئے چھاپے
مفتی عزیز الرحمٰن کا کہنا تھا کہ حلفیہ کہتا ہوں میں نے ہوش و حواس میں ایسا کوئی فعل نہیں کیا
شیعیت نیوز: لاہور میں مدرسے کے طالبعلم سے زیادتی کے واقعے میں ملوث جمعیت علمائے اسلام کے مرکزی رہنما اور مولانا فضل الرحمٰن کے قریبی ساتھی مفتی عزیز الرحمٰن کی گرفتاری کیلئے پولیس نے ٹاون شپ میں چھاپہ مارا تاہم کامیابی نہیں مل سکی۔
پولیس کے مطابق ملزم مفتی عزیز الرحمٰن کی گرفتاری کیلئے ٹاون شپ کے مدرسے میں چھاپہ مارا گیا لیکن ملزم اپنے بیٹوں سمیت فرار ہو چکا تھا۔ پولیس کا بتانا ہے کہ ملزم اکثر اس مدرسے میں ٹھہرتا تھا، ملزمان کی گرفتاری کیلئے مختلف مقامات پر چھاپے مارے جا رہے ہیں۔
یہ بھی پڑھیں: علمائے شیعہ پنجاب محکمہ اوقاف پنجاب کے امتیازی سلوک کے خلاف بھرپوراحتجاج کے لئے تیار
واضح رہے کہ گزشتہ روز مدرسے میں استاد کی طالبعلم سے مبینہ زیادتی کی ویڈیو انٹرنیٹ پر وائرل ہوئی تھی۔ مدرسے کے طالبعلم سے مبینہ زیادتی کے ملزم مفتی عزیز الرحمان کا بیان بھی سامنے آیا جس میں انہوں نے کہا کہ ویڈیو ڈھائی تین سال پرانی ہے اور طالبعلم صابر شاہ کو میرے خلاف استعمال کیا گیا ہے۔
مفتی عزیز الرحمٰن کا کہنا تھا کہ حلفیہ کہتا ہوں میں نے ہوش و حواس میں ایسا کوئی فعل نہیں کیا، مجھے نشہ آور چیز پلائی گئی، میں ہوش و حواس میں نہیں تھا۔ مفتی عزیز الرحمٰن نے دعویٰ کیا ہے کہ کیس کا مرکزی کردار صابر شاہ فرار ہے۔
