ایران میں اسلامی جمہوریت کے جشن کا آغاز، ووٹنگ شروع

شیعیت نیوز: ایران کے دارالحکومت تہران سمیت تمام چھوٹے بڑے شہروں، قصبوں اور دیہاتوں میں تیرہویں صدارتی انتخابات کے لئے ووٹنگ کا آغاز آج صبح سات بجے سے ہوگیا ہے۔

رپورٹ کے مطابق آج صبح سات بجے سے ایران کے دارالحکومت تہران سمیت تمام چھوٹے و بڑے شہروں، قصبوں اور دیہاتوں میں تیرہویں صدارتی انتخابات کے سلسلے میں ووٹنگ کا آغاز ہو گیا ہے۔

رہبر اسلامی انقلاب آیت اللہ العظمیٰ سید علی خامنہ ای نے آج بروز جمعہ ووٹنگ کے آغاز میں ہی حسینیہ امام خمینی (رہ) میں ذرائع ابلاغ کے نمائندوں کی موجودگی میں اپنا ووٹ موبائل بکس نمبر 110 میں اپنا ووٹ ڈال کاسٹ کیا۔

ایرانی عدلیہ کے سربراہ علامہ سید ابراہیم رئیسی جو صدارتی انتخابات کے امیدواروں میں سے ایک ہے، آج تہران کے قریب علاقے شہر ری میں13ویں صدارتی انتخابات میں اپنا ووٹ کاسٹ کردیا۔

یہ بھی پڑھیں : رہبرانقلاب آیت اللہ العظمیٰ سید علی خامنہ ای نے صدارتی انتخابات میں اپنا ووٹ ڈال دیا

علامہ رئیسی نے آج بروز جمعہ 18 جون کو تہران کے علاقے شہر ری میں 13ویں صدارتی انتخابات اور 6 ویں دیہی-شہری اسلامی کونسلز کے انتخابات میں اپنا ووٹ ڈال دیا۔

ایران میں 5 کروڑ ترانوے لاکھ 10 ہزار 307 افراد ووٹنگ میں حصہ لینے کے اہل ہیں۔ ایران کے تیرہویں صدارتی انتخابات میں عوام کی سہولت اور بھر پور شرکت کے پیش نظر 72 ہزار پولنگ اسٹیشن قائم کئے گئے ہیں۔

صدارتی انتخابات سے تین امیدوار دستبردار ہوگئے ہیں جن میں مہر علی زادہ، علی رضا زاکانی اور سعید جلیلی شامل ہیں ۔ تین امیدواروں کے صدارتی انتخابات سے دستبردار ہوجانے کے بعد اب چار امیدوار سید ابراہیم رئيسی ، محسن رضائی ، قاضی زادہ ہاشمی اور عبدالناصر ہمتی میدان میں موجود ہیں

قابل ذکر ہے کہ دنیا کے 226 ذرائع سے تعلق رکھنے والے 500 غیر ملکی صحافی ایران میں آج ہونے والے 13 ویں صدارتی انتخابات اور شہری – دیہی اسلامی کونسلز کے چھٹے الیکشن کی کوریج کر رہے ہیں۔