حکومت کے بلند و بالا دعوؤں کے باوجود ملک بجلی کے بدترین بحران کا شکار ہے، علامہ مقصودڈومکی

شیعیت نیوز: مجلس وحدت مسلمین پاکستان کے مرکزی ترجمان علامہ مقصود علی ڈومکی نے کہا ہے کہ گرمی کی شدت کے با وجود کئی گھنٹوں کی لوڈ شیڈنگ افسوسناک ہے۔ حکومت کے بلند و بالا دعووں کے باوجود ملک بجلی کے بدترین بحران کا شکار ہے۔ عوام بجلی کے مہنگے بل ادا کرنے کے باوجود بجلی سے محروم ہیں۔ بجلی کی ٹریننگ اور کم وولٹیج کے باعث شہریوں کی قیمتی اشیاء خراب ہو رہی ہیں جبکہ واپڈا کی ناقص کارکردگی کے باعث تاروں اور مینٹننس کا ناقص سسٹم ہے۔

یہ بھی پڑھیں:جہاد النکاح کیلئے جانے والی 24پاکستانی داعشی خواتین افغانستان میں گرفتار، شواہد سامنے آگئے

انہوں نے کہا کہ جون کی شدید گرمی میں بجلی نہ ہونے کے باعث اسکول آنے والے بچے شدید مشکلات کا شکار ہیں۔ اسکولوں میں طلبہ بجلی نہ ہونے اور گرمی کی شدت کے سبب بے ہوش ہو رہے ہیں۔

انہوں نے مطالبہ کیا کہ حکومت عوام سے کئے گئے اپنے وعدے کو پورا کرتے ہوئے بجلی کی بلا تعطل فراہمی کو یقینی بنائے اور اسکولوں اور تعلیمی اداروں میں بجلی کی فراہمی کو بہتر بنائے۔