ابھی شہدائےفلسطین کے کفن بھی میلے نہیں ہوئے کہ ایک اور مسلمان ملک نے اسرائیل کے ساتھ تعلقات کی بحالی کا اعلان کردیا

شیعیت نیوز:  عربوں کے بعد اب دیگر مسلم ممالک اور حکمرانوں کی غیرت ایمانی کا جنازہ نکلنا شروع ہوگیا، ابھی شہدائےفلسطین کے کفن بھی میلے نہیں ہوئے کہ ایک اور مسلمان ملک نےاپنے شہریوں کو اسرائیل سفر کی اجازت دیتے ہوئے اسرائیل پر عائد سفری پابندیوں کےخاتمے کا اعلان ، اسرائیلی حکومت کی جانب سے بنگلادیشی اقدام کا خیر مقدم۔

تفصیلات کے مطابق فلسطینی مسلمانوں کے بہیمانہ حملوں اور مسجد اقصیٰ پرناجائز قبضے کے باوجود ایک اور مسلمان ملک بنگلادیش اسرائیل کے آگے ڈھیرہوگیا ، بنگلادیشی حکومت نے قابض و غاصب ناجائز اسرائیلی ریاست کے ساتھ منقطع اپنے سفری روابط کو بحال کرنے کا اعلان کردیا ہے ، اب بنگلادیشی شہری اسرائیل اور اسرائیلی شہری باآسانی اور بغیر کسی رکاوٹ کے بنگلادیش کا سفر کرسکیں گے ۔

بنگلادیش کے پاسپورٹ پر پاکستانی پاسپورٹ کی طرز پر درج عبارت یعنیٰ یہ پاسپورٹ ماسوائے اسرائیل تمام ممالک کے لئےکارآمد ہے کو بھی حذف کردیا گیا ہے اور اب یہ پاسپورٹ دنیا کے تمام ممالک کے لئے کارآمد ہے کی عبارت تحریر کردی گئی ہے۔

یہ بھی پڑھیں: شیعیانِ نائیجیریا پر مظالم کے پہاڑ توڑنے والا ضیاءالحق ثانی 10 ساتھیوں سمیت واصل جہنم

دوسری جانب بنگلا دیشی حکومت کی جانب سے اسرائیل کے ساتھ سفری روابط کی بحالی کو اسرائیل کی جانب سے خوب سراہا گیا ہے۔ سابق اسرائیلی سفیر اور اسرائیلی وزارت خارجہ میں ڈپٹی ڈائریکٹر برائے ایشیاءو پیسفک گیلاد کاہن نے بنگلادیشی حکومت کے اس اقدام کو خوش آئند قرار دیا ہے ۔

اپنے ٹوئٹر پیغام میں انہوں نے کہا کہ ہماری خواہش ہے کہ بنگلادیشی حکومت مزید قدم اٹھائے اور اسرائیل کے ساتھ اپنے سفارتی تعلقات بھی جلد بحال کرے تاکہ دونوں ممالک کے عوام اس سے مستفید ہوسکیں ۔

واضح رہے کہ ابھی فلسطینی شہداء کا کفن بھی میلا نہیں ہوا اور بنگلادیش نے امت مسلمہ کی کمر میں خنجر مار کرخیانت کا ارتکاب کیا ہےجس سے مظلومین فلسطینی مسلمانوں کی قربانیوں کونظر انداز کیا گیا ہے۔