القسام بریگیڈ کے کمانڈر محمد الضیف پر قاتلانہ حملہ ناکام

شیعیت نیوز: صیہونی میڈیا نے اعتراف کیا ہے کہ محمد الضیف کو گزشتہ ہفتے قتل کئے جانے کی سازش ناکام ہوگئی۔

صیہونی ذرائع نے رپورٹ دی ہے کہ القسام بریگیڈ کے کمانڈر محمد الضیف کو قتل کئے جانے کا منصوبہ دوبارہ ناکام ہوچکا ہے۔

اس رپورٹ کے مطابق خودساختہ اسرائیلی ریاست کے دہشت گردوں نے محمد الضیف پرگزشتہ ایک ہفتے کے دوران دوبار قاتلانہ حملہ کرنے کی کوشش کی لیکن دونوں مرتبہ ان کا ناپاک منصوبہ خاک میں مل گیا۔

دوسری جانب العالم نے رپورٹ دی ہے کہ القسام بریگیڈ نے غزہ پر صیہونی فوجی جارحیت کے جواب میں غاصب اسرائیل کی چھ فوجی چھانیوں کو اپنے میزائلوں کا نشانہ بنایا ہے۔

یہ بھی پڑھیں : جنگ بندی کا کوئی سمجھوتہ نہیں ہوا، حماس کا اعلان

ادھر اطلاعات ہیں کہ مصرکی وساطت سے جنگ بندی کی ایک تجویز سامنے آئی ہے جس پر جمعرات کی صبح سے عمل درآمد کیا جائے گا۔

صیہونی حکومت کے چینل 12 نے دعوی کیا ہے کہ تل ابیب نے مصر کی مجوزہ جنگ بندی پر اپنی رضامندی ظاہر کردی ہے۔

صیہونی حلقوں نے اس بات کا اعتراف کیا ہے کہ فلسطین کی تحریک مزاحمت کے ساتھ ہونے والی جھڑپوں سے اب تک کوئی نتیجہ حاصل نہیں ہوا ہے بلکہ جنگ کا میدان ہو یا عالمی سطح پر کئے جانے والے جائزے کا، طاقت کا توازن فلسطین کی تحریک مزاحمت کے حق میں ہے۔

یہ بھی پڑھیں : الجہاد الاسلامی کی جانب سے مزید 2 اسرائیلی فوجی اڈوں پر راکٹوں کی بارش

المیادین ٹی وی نے بھی ایک رپورٹ میں کہا ہے کہ صیہونی حلقوں نے اس بات کا اعتراف کیا ہے کہ اسرائیل اب تک اپنا کوئی بھی مقصد حاصل نہیں کرسکا ہے جب کہ جنگ میں توازن بھی استقامتی محاذ کے حق میں ہے۔

صیہونی حکومت کے وزیراعظم بن یامین نیتن یاہو اور وزيرجنگ بنی گانتز نے جنگ بندی کی تجویز کے سامنے آنے سے ذرا پہلے اپنے بیانات میں غزہ شہر پر بمباری جاری رکھنے کی دھمکی دی تھی۔

ترکی کی سرکاری خبررساں ایجنسی نے پیر کے روز خبر دی تھی کہ نیتن یاہو نے جنگ بندی سے متعلق واشنگٹن سے چند روز کی مہلت کی درخواست کی ہے۔