طاقت کا توازن فلسطین کے حق میں بدل گیا ہے، ایرانی سپہ سالار جنرل باقری
شیعیت نیوز: ایرانی مسلح افواج کے سپہ سالار نے ایک پیغام میں صیہونی ریاست کے حالیہ جرائم کی مذمت کرتے ہوئے فلسطینی مسئلے کے حل میں ایک طاقتور اسٹرٹیجک اتحاد کے قیام کی ضرورت پر زور دیا اور کہا کہ قابض صیہونی ریاست، مزاحمتی فرنٹ کے غصے کی آگ میں جل جائے گی۔
میجر جنرل محمد باقری نے مسجد الاقصی اور فلسطینی سرزمین کے دیگر علاقوں کے خلاف صیہونی ریاست کے حملوں میں نہتے فلسطینی شہریوں کی شہادت کی مذمت کرتے ہوئے فلسطینی مسئلے کے حل میں ایک طاقتور اسٹریٹجک اتحاد کے قیام کی ضرورت پر زور دیا
جنرل باقری نے اپنے پیغام میں مزید کہا کہ حالیہ دنوں میں ظالم اور بچوں کا قتل کرنے والی ناجائز صیہونی ریاست کے جرائم کے نتیجے میں مظلوم، نہتے اور روزہ دار شہریوں کی شہادت کی وجہ سے پوری دنیا بالخصوص امت مسلمہ کے درمیان غم کی لہر پھیل گئی ہے۔
انہوں نے کہا کہ ناجائز صیہونی ریاست کے سفاکانہ اقدامات سے فلسطینی قوم کے درمیان اتحاد مزید بڑھ جائے گا اور وہ حتمی فتح کیلئے اپنی مزاحمت پر مزید مطمئن ہوں گے۔
یہ بھی پڑھیں : رنگین فام مسلم اراکین کانگریس کا فلسطین پر اسرائیلی حملوں پر رد عمل
ایرانی سپہ سالار نے کہا کہ اس وقت، مسلم ممالک اور فلسطین کے مظلوم عوام، غاصب اور بچوں کی ہلاکت کرنے والی ریاست کے ساتھ تعلقات کو معمول پر لانے میں کچھ عرب ریاستوں کے بدنیتی اور غداری کو کبھی فراموش نہیں کریں گے۔
انہوں نے کہا کہ سرزمین فلسطین پر قبضہ اور مظلوم فلسطینیوں کے قتل عام کے 73 سال گزرنے کے بعد القدس کا انتفاضہ پہلے کے مقابلے میں زیادہ جذباتی، پرجوش اور طاقتور ہوتا جارہا ہے۔
جنرل باقری نے کہا کہ صیہونی ظالموں اور قاتلوں کی غلاظت سے پاک سرزمین فلسطین کی صفائی سے فلسطینی عوام، حتمی فتح کو حاصل کریں گے۔
انہوں نے اس بات پر زور دیا کہ مزاحمت اور انتفاضہ کی روشنی میں اور ناجائز صیہونی ریاست کے خلاف مزاحمتی فرنٹ کے مسلسل میزائل حملوں کی وجہ سے اب طاقت کا توازن فلسطین کے حق میں بدل گیا ہے۔
