آج اسرائیل تاریخ کی کمزور ترین پوزیشن پر ہے، علامہ مقصود ڈومکی
فلسطین کی آزادی کے لئے جاری تحریک کی ہم بھرپور حمایت کرتے ہیں
شیعیت نیوز: مجلس وحدت مسلمین پاکستان کے مرکزی ترجمان علامہ مقصود علی ڈومکی نے جماعت اسلامی بلوچستان کے صوبائی امیر مولانا عبدالحق ہاشمی ، ممتاز دانشور ڈاکٹر عطا الرحمن اور وکیل رہنما راہب خان بلیدی ایڈوکیٹ سے ملاقات کی۔
اس موقع پر گفتگو کرتے ہوئے علامہ مقصود علی ڈومکی نے کہا کہ بیت المقدس اور قبلہ اول امت مسلمہ کی محبت اور عقیدت کا مرکز ہے جس پر اسرائیل کا ناجائز قبضہ کسی صورت قبول نہیں، فلسطین کے مسئلے کا ایک ہی حل ہے وہ یہ کہ اسرائیل سرزمین فلسطین پر غاصبانہ قبضہ ختم کرے اور فلسطین کی قسمت کا فیصلہ فلسطین کے عوام کو کرنے دیا جائے۔
یہ بھی پڑھیں کوئٹہ، ملک دشمن بھارتی و سعودی نواز تکفیری دہشتگردوں کا حملہ
انہوں نے کہا کہ امریکا اور عالمی سامراجی قوتیں اسرائیلی قتل و غارت گری اور اسرائیلی جرائم میں برابر کی شریک ہیں، فلسطین میں بہنے والا بے گناہ مسلمانوں کا خون ایک دن ضرور رنگ لائے گا اور ہم بیت المقدس کی آزادی کا جشن منائیں گے۔
انہوں نے کہا کہ فلسطین کی آزادی کے لئے جاری تحریک کی ہم بھرپور حمایت کرتے ہیں، آج اسرائیل تاریخ میں کمزور ترین پوزیشن پر ہےجبکہ تحریک آزادی فلسطین آج ایک مضبوط قوت بن چکی ہے۔
