اسدعمر نے کورونا وائرس کی تیسری خطرناک لہر کی صورتحال سے قوم کو آگاہ کردیا

شیعیت نیوز:  نیشنل کمانڈ اینڈ آپریشن سینٹر (این سی او سی) کے سربراہ اور وزیر منصوبہ بندی اسد عمر نے کورونا کی پیدا ہوتی خطرناک صورتحال سے متعلق خبردار کر دیا۔

اسد عمر کا کہنا ہے کہ پاکستان میں کورونا کی تیسری لہر کا آغاز ہو چکا ہے،اس وقت نصف سے زائد کیسز برطانیہ سے آئے ہوئے وائرس کے ہیں۔

یہ بھی پڑھیں: علامہ راجہ ناصرعباس ، عارف الجانی اور دیگر علماءپر پابندی کےخلاف چنیوٹ میں احتجاجی مظاہرہ

انہوں نے کہا کہ برطانیہ سے آیا ہوا وائرس تیزی سے پھیلتا ہے، اس سے اموات بھی زیادہ ہوتی ہیں، بھارت اور بنگلہ دیش سمیت خطے میں کورونا کیسز میں تیزی سے اضافہ ہو رہا ہے۔

وفاقی وزیر نے کہا کہ جو ویکسین لگانا چاہے گا حکومت پاکستان اسے مفت ویکسین فراہم کرے گی، رواں سال کے آخر تک ویکسین لگانے کا سلسلہ جاری رہے گا۔