پاکستان کب تک ایف اے ٹی ایف کی گرےلسٹ سے نہیں نکل سکتا؟ سینیٹر رحمان ملک نے بتادیا

شیعیت نیوز:پاکستان پیپلز پارٹی کے مرکزی رہنماء اور سابق وزیر داخلہ سینیٹر رحمان ملک نے کہا ہے کہ پاکستان کے بارے فنانشل ایکشن ٹاسک فورس (فیٹف) کی نیت اچھی نہیں لگ رہی ہے، لگتا ہے فیٹف پاکستان کو دیوالیہ پن کی سرخ لکیر کی طرف دھکیل رہا ہے، فیٹف کی جانب سے پاکستان پر پابندیاں مزید سخت کرنے کا امکان ہے، پاکستان کے خلاف فیٹف میں شکایت کنندہ امریکہ ہے۔

یہ بھی پڑھیں: جلاوطنی اور اسارت جیسے کٹھن اور مشکل مراحل میں بھی امام موسیٰ کاظم ؑنے عزم و استقلال اور جرات و بہادری سے مصائب کا مقابلہ کیا، علامہ ساجد نقوی

رحمان ملک نے کہا کہ امریکہ سے تعلقات کی بہتری تک پاکستان گرے لسٹ سے نہیں نکل سکتا، ریاستی سطح پر ہندوستان دہشت گردی کی مالی اعانت میں ملوث ہے، فیٹف کی طرف سے بھارت کو مکمل سپورٹ جبکہ پاکستان کو مسلسل نشانہ بنایا جا رہا ہے، پاکستان کیساتھ فیٹف کا رویہ انتہائی مایوس کن ہے، جلد ہی ایک مضبوط ٹیم کے ہمراہ عالمی عدالت انصاف جا کر پاکستان کا کیس لڑوں گا۔