ضیاالحق نے جو فتنے کے بیج بوئے اس کی باقیات ان بیجوں کی آبیاری میں مصروف ہے، علامہ راجہ ناصرعباس

شیعیت نیوز: مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری نےامام بارگاہ ڈنگہ شریف گوندل روڈ میں کشمیر و فلسطین کانفرنس و چہلم شہدائے مچھ سے خطاب کرتے ہوئے کہا ہے کہ دشمن کا ہدف ملت تشیع میں مایوسیاں پیدا کرنا ہے۔وہ ہمیں ایک دوسرے سے بدگماں کر کے ہماری طاقت کو توڑنا چاہتے ہیں۔کربلائی فکر کے وارثین ولائیوں اور حسینیوں کا خوبصورت گلدستہ ہیں۔ولایت کے ماننے والوں کو کبھی مایوس نہیں کیا جا سکتا۔

یہ بھی پڑھیں: امریکہ دہشت گردی کے ساتھ مقابلے کے بجائے شامی تیل کی غارت میں مصروف ہے، شام و روس

انہوں نے کہا کہ پردہ غیبت میں امام ہمارے منتظر ہیں کہ ہم ان کی نصرت کے لیے حقیقی معنوں میں کب آمادگی ظاہر کرتے ہیں۔ہمیں معاشرے میں شعور پیدا کر کے دشمن کی شناخت کرانا ہو گی تاکہ امام زمانہ علیہ السلام عجل اللہ فرجہ کے راستوں کی رکاوٹوں کو دور کیا جا سکے۔

یہ بھی پڑھیں: شیعہ علماءکونسل کاعزاداروں پر مقدمات کےخلاف سندھ کے بعد پنجاب میں بھی احتجاج کا فیصلہ

انہوں نے کہا کہ عالم بشریت میں امیدوں کے چراغ ہم نے جلانے ہیں۔ضیاالحق نے جو فتنے کے بیج بوئے اس کی باقیات ان بیجوں کی آبیاری میں مصروف ہے۔ضیا الحق کے دور میں تکفیریت نے زور پکڑا اور ہم سے ہمارے شہید قائد کو چھین لیا گیا۔ہمارے اتحاد واخوت کی طاقت سے ان عناصر کو شکست فاش ہو گی جو ارض پاک میں مایوسیوں کا غلبہ چاہتے ہیں۔انہوں نے کہا کہ دنیا بھر کے ظالمین کے خلاف ہمیں مظلوموں کی مضبوط آواز بن کر زندہ رہنا ہو گا۔