پاکستان بڑی تباہی سے بچ گیا!! کالعدم سپاہ صحابہ کا خطرناک دہشتگرد بھاری اسلحے اور اہل خانہ سمیت گرفتار

شیعیت نیوز: پاکستان بڑی تباہی سے بچ گیا!!کالعدم سپاہ صحابہ کا دہشتگرد بھاری اسلحہ سمیت گرفتار، ملزم کے قبضے سے 35 پسٹل، 3 رائفل، 7 گن اور 9 ایم ایم کے 18 پسٹل اور 26 ہزار سے زائد گولیاں و کارتوس بھی برآمد ہوئے ہیں،اسلحے کے علاوہ 6 لاکھ سے زائد نقد رقم بھی برآمد ہوئی ہے، ملزم کے ہمراہ فیملی بھی زیر حراست ۔

تفصیلات کےمطابق پنجاب پولیس نے کارروائی کرکے جنوبی پنجاب اسمگل ہونے والا بھاری تعداد میں اسلحہ پکڑ لیا۔ذرائع کے مطابق جنوبی پنجاب بڑی تباہی سے بچ گیا اور پولیس نے کارروائی کرکے اسلحے کی بڑی کھیپ قبضے میں لے لی ہے، جب کہ ملزم کو فیملی سمیت گرفتار کرلیا گیا ہے۔

یہ بھی پڑھیں: تین ہزار سے زیادہ امریکی شہری کا بائیڈن سے ایران مخالف پابندیوں کے خاتمے کا مطالبہ

ڈی ایس پی وہاڑی روبینہ عباس نے بتایا کہ ملزم کے قبضے سے 35 پسٹل، 3 رائفل، 7 گن اور 9 ایم ایم کے 18 پسٹل اور 26 ہزار سے زائد گولیاں و کارتوس بھی برآمد ہوئے ہیں، اور ملزم نے یہ اسلحہ جنوبی پنجاب کے مختلف اضلاع میں سپلائی کرنا تھا۔

یہ بھی پڑھیں: یکم فروری امام خمینی ؒ کی جلاوطنی کے خاتمے کا تاریخی دن ، دنیا بھرمیں عشرہ فجر انقلاب کا آغاز

ڈی ایس پی صدر افضل لودھی کا کہنا تھا کہ ملزم اسلحہ کی سپلائی کے دوران فیملی کے ساتھ سفر کرتا تھا، جس وجہ سے پولیس سے بچ جاتا تھا، تاہم خفیہ اطلاع پر کارروائی کرکے ملزم کو گرفتار کرلیا گیا، ملزم کے قبضے سے اسلحے کے علاوہ 6 لاکھ سے زائد نقد رقم بھی برآمد ہوئی ہے، ملزم سے مزید تفتیش جاری ہے۔