حکومت وارثان شہدائےشکاپور سے کیئے گئے معاہدے کےتحت کالعدم جماعتوں کے خلاف کارروائی کرے،مقررین

شیعیت نیوز: وارثان شہداء کمیٹی شکارپور کے زیر اہتمام شہداء نماز جمعہ کی چھٹی برسی کے موقع پر عظمت شہداء کانفرنس کا انعقاد کیا گیا۔ کانفرنس سے مجلس وحدت مسلمین پاکستان کے مرکزی ڈپٹی سیکرٹری جنرل علامہ مختار احمد امامی،مرکزی ڈپٹی سیکریٹری جنرل وسابق وزیر قانون آغا سید محمدرضا، مرکزی ترجمان علامہ مقصود علی ڈومکی، ایم ڈبلیو ایم سندھ کے سیکرٹری جنرل علامہ سید باقر عباس زیدی، ممتاز عالم دین علامہ محمد امین شہیدی ،شیعہ علماء کونسل کے مرکزی رہنما علامہ سید ارشاد حسین شاہ نقوی ، ذاکر اہل بیت منظور حسین سولنگی، آئی ایس او کے مرکزی صدر برادر عارف الجانی، اصغریہ آرگنائزیشن کے مرکزی رہنما فضل حسین اصغری اور دیگر رہنماؤں نے خطاب کیا۔

یہ بھی پڑھیں: سانحہ شکاپور، دوران نماز جمعہ شہید ہونے والے شہداء کی چھٹی برسی پر عظمت شہداء کانفرنس کا انعقاد

اس موقع پر خطاب کرتے ہوئے مقررین نے کہا کہ چھ سال کا طویل عرصہ گزر جانے کے باوجود وارثان شہداء نے جس جوش جذبے اور ولولے کے ساتھ اپنے شہداء کو خراج عقیدت پیش کیا ہے اور مشن شہداء کے ساتھ تجدید عہد کرنے کے لیے یہاں جمع ہوئے ہیں وہ قابل تعریف ہے۔ جن دہشت گردوں نے بے گناہ انسانوں کا خون بہایا ان کے خلاف آپریشن ضرب عضب کی طرز پر نئے آپریشن کی ضرورت ہے۔

یہ بھی پڑھیں: شام وعراق سے پاکسان واپس آنے والے داعشی دہشت گردوں کی مسلکی شناخت ظاہر کی جائے،پیر معصوم شاہ

انہوں نے کہا کہ سندہ حکومت وارثان شہداء سے کئے گئے معاہدے پر عمل کرے۔ اس معاہدے کی رو سے صوبے میں کالعدم جماعتوں کے خلاف کارروائی کرے انہوں نے کہا کہ نیشنل ایکشن پلان پر عمل درآمد کرتے ہوئے اپیکس کمیٹی کو فعال بنایا جائے۔