ایم ڈبلیوایم کےاراکین اسمبلی کی وائس چانسلر علامہ اقبال اوپن یونیورسٹی سے ملاقات ،جی بی کے طلباءکےکوٹے میں اضافے کا مطالبہ

شیعیت نیوز: مجلس وحدت مسلمین کے رہنما اور وزیرزراعت گلگت بلتستان محمد کاظم میثم، ممبر رکن اسمبلی ڈاکٹر فاطمہ علی اور گلگت بلتستان کے نامور محقق، ادیب اور قلمکار محمد حسن حسرت نے وفد کے ہمراہ وائس چانسلر علامہ اقبال اوپن یونیورسٹی پروفیسرڈاکٹر ضیاالقیوم سے انکے دفتر میں ملاقات کی۔

وفد نے علامہ اقبال یونیورسٹی کی جانب سے گلگت بلتستان کے طلبا و طالبات کے لیے میٹرک پروگرام میں فیس معاف کرنے پر وائس چانسلر کا شکریہ ادا کیا۔

یہ بھی پڑھیں: امریکہ میں جو تباہی مچا دی ہے اس سے سنبھل پانا بہت سخت ہوگا، برطانوی تجزیہ نگار

نیز گلگت بلتستان میں علامہ اقبال اوپن یونیورسٹی کے مختلف پروگرامز بالخصوص اعلی ٰ سطحی پروگرامز اور فنی تعلیمی کورسز کو وسعت دینے کا مطالبہ کیا۔

وفد نے گلگت بلتستان کے طلبا و طالبات کو ایم فل اور پی ایچ ڈی کے داخلوں میں کوٹہ مخصوص کرنے نیز ٹیسٹ اور انٹرویو سنٹرز گلگت اور سکردو میں رکھنے کا بھی مطالبہ کیا۔

یہ بھی پڑھیں: امام مہدیؑ کی شان میں گستاخی، HDPکے دو سابق کونسلرز پارٹی سےاحتجاجاً مستعفیٰ

وائس چانسلر نے ان امور کوبہتر سے بہتر انداز میں حل کرنے کی یقین دہانی کراتے ہوئے کہا کہ گلگت بلتستان پاکستان کے ماتھے کا جھومر ہے اور یہاں کے عوام کی پسماندگی کے پیش نظر جتنا ممکن ہو سکے تعلیمی سہولتیں فراہم کی جائیں گی۔

انہوں نے کہا کہ اس سلسلے میں بہت جلد گلگت میں کیمپس کے قیام کے لیے لینڈ بریکنگ کی تقریب ہونے والی ہے اس ریجنل کیمپس کے قیام سے علاقے میں تعلیمی سہولتیں مزید بہتر انداز میں فراہم ہوں گی۔