بلوچستان میں بربریت کے حالیہ واقعہ میں وہ تکفیری دہشت گرد ملوث ہیں جن کی ڈور غیر ملکی ایجنسیوں کے ہاتھ میں ہے، علامہ باقرزیدی
انہوں نے کہا کہ شدید سردی میں مقتولین کے لواحقین اپنے پیاروں کی لاشیں لے کر مغربی بائی پاس پر دو دن سے احتجاج کر رہے ہیں
شیعیت نیوز: مجلس وحدت مسلمین سندھ کے صوبائی سیکرٹری جنرل علامہ باقر عباس زیدی نے بلوچستان کے علاقے مچھ میں شیعہ ہزارہ کمیونٹی کے گیارہ افراد کی ٹارگٹ کلنگ کے خلاف شدید ردعمل کا اظہار کرتے اسے قومی سلامتی کے خلاف عالمی سازش قراد دیا ہے، انہوں نے کہا ہے ملک میں دہشت گردی کا دوبارہ آغاز قومی سلامتی و استحکام کے لیے خطرہ ہے داعش کی طرف سے واقعہ کی ذمہ داری قبول کرنے کا مقصد پاکستان کی سرزمین پر عالمی دہشت گرد تنظیم کی موجودگی کے تاثر کو تقویت دینا ہے۔
یہ بھی پڑھیں: سانحہ مچھ، وفاقی وزیر داخلہ شیخ رشید کا علامہ راجہ ناصرعباس سے ٹیلیفونک رابطہ ، کوئٹہ جانے کا اعلان
انہوں نے کہا بھارت، اسرائیل اور امریکہ کے ناپاک وجود نے پورے خطے کا امن غارت کر رکھا ہے۔انہی طاقتوں کے سہولت کار پاکستان کے استحکام کو تباہ کرنا چاہتے ہیں۔بلوچستان میں بربریت کے حالیہ واقعہ میں وہ تکفیری دہشت گرد ملوث ہیں جن کی ڈور غیر ملکی ایجنسیوں کے ہاتھ میں ہے۔انہوں نے کہا کہ ہزارہ قبیلہ کو دشمن نے آسان ہدف سمجھا ہوا ہے حکومت مکمل تحفظ فراہم کرے۔ہماری قوم نے اپنی مٹی سے محبت کی قیمت انمول جانوں کی قربانی دے کر چکائی ہے۔ہم مزید کسی آزمائش کے قطعی متحمل نہیں ہیں۔
یہ بھی پڑھیں: ایران ہی جنرل سلیمانی کے خون کا بدلہ لینے کے وقت اور مقام کا تعین کرے گا، رمضان شریف
انہوں نے کہا کہ شدید سردی میں مقتولین کے لواحقین اپنے پیاروں کی لاشیں لے کر مغربی بائی پاس پر دو دن سے احتجاج کر رہے ہیں،مطالبات کی منظوری میں بے جا طوالت حکومت کے لیے مشکلات کا باعث بنے گی ریاست ماں کا کردار ادا کرتے ہوئے ہزارہ برادی کی دادرسی کرے ان کے دکھوں کا مداوا کرے۔دہشت گردی کے واقعات کے سدباب کے لیے شدت پسندوں کے گرد گھیرا مزید تنگ کرنا ہو گا وگرنہ دہشت گردی کے خلاف ہزاروں قیمتی جانوں کی قربانیاں دے کر جیتی ہوئی جنگ کی بازی پلٹنے کا خطرہ سر پر منڈلاتا رہے گا۔
