شیعہ علماءکونسل کے بعد ایم ڈبلیوایم کےرہنما نے بھی یزید کے وکیل مفتی منیب کے استعفیٰ کا مطالبہ کردیا

شیعیت نیوز: شیعہ علماءکونسل اور تحریک حسینیہ کے بعد مجلس وحدت مسلمین ریاست آزاد کشمیر کے سیکرٹری جنرل علامہ سید تصور حسین الجوادی نے بھی یزید لعین کے وکیل مفتی منیب الرحمٰن ہزاروی کو فی الفور رویت ہلال کمیٹی کی چیئرمین شپ سے ہٹانے کا مطالبہ کرتے ہوئے کہا ہے کہ مصوف نے چونکہ حمایت یزید کی ہے اور ایسی فرقہ وارانہ ریلی میں نہ صرف شریک ہو کر بلکہ اس کی قیادت کر کے لاکھوں سنی، شیعہ مسلمانوں کے جذبات مجروح کیے ہیں اور معتدل سنی، شیعہ علماء میں مفتی مذکور کے اس عمل پر شدید تشویش پائی جا رہی ہے کہ ایک ایسا شخص جو ایک انتہائی حساس نوعیت کی کمیٹی کا سربراہ ہے، جس کمیٹی کا تعلق مسلمانوں کی اہم مذہبی، قومی و اجتماعی عبادات سے ہے، ایسا شخص جو فرقہ واریت میں ملوث ہو یزید پلید کا حامی ہو وہ رویت ہلال کمیٹی کے چئیرمین کے عہدے پر رہنے کا کوئی حق نہیں رکھتا۔

یہ بھی پڑھیں: ملک بھر میں شیعہ مسلمانوں کے خلاف تکفیری ریلیاں، آرمی چیف اور وزیر اعظم نوٹس لیں

علامہ تصور حسین جوادی نے مزید کہا کہ مفتی منیب الرحٰمن کی یزید کی حمایت کرنے سے ملت اسلامیہ کے اجتماعی جذبات مجروح ہوئے ہیں، ہم وفاقی حکومت اور اسلامی نظریاتی کونسل سے بھرپور تقاضہ اور مطالبہ کرتے ہیں کہ فرقہ پرست مفتی کی جگہ کسی معتدل عالم دین اور ماہر سائنسی علوم کو رویت ہلال کمیٹی کا چیئرمین مقرر کیا جائے، رویت ہلال کمیٹی کا دائرہ کار آزاد کشمیر اور گلگت بلتستان تک بڑھایا جائے اور زونل و مرکزی کمیٹی میں شیعہ اثناء عشری کے ممبران کی تعداد میں متناسب اضافہ کیا جائے۔