پر خلوص اور متوازن تعلقات ایران کی بنیادی پالیسی ہے۔ ترجمان عباس موسوی
شیعت نیوز : ایران کی محکمہ خارجہ کے ترجمان عباس موسوی نے کہا ہے کہ ایران کی پالیسی پڑوسی ممالک خاص طور سے علاقے کے ممالک کے ساتھ پرخلوص اور متوازن تعلقات برقرار رکھنا ہے۔
ایران کی وزارت خارجہ کے ترجمان سید عباس موسوی نے اپنے ایک بیان میں کہا کہ ہمارا ماننا یہ ہے کہ علاقے کی قومیں اور حکومتیں ایک دوسرے سے زیادہ سے زیادہ قریبی اور پرخلوص تعلقات استوار رکھیں اور یہ پڑوسیوں سمیت پورے علاقے کے مفاد میں ہے۔
انہوں نے کہا کہ پڑوسی ممالک کے ساتھ ثقافتی، اقتصادی اور مذہبی تعلقات میں فروغ، علاقے کے عوام اور حکومتوں کے درمیان دوستانہ تعلقات کو خراب کرنے اور ایک دوسرے کے درمیان کدورت پیدا کرنے کے لئے دشمنوں بالخصوص امریکہ واسرائیل کی سازشیں ناکام ہونے کا باعث بنے گا۔
یہ بھی پڑھیں : امریکی صیہونی سازشوں کے مقابلے میں ملت فلسطین کے شانہ بشانہ کھڑا رہیں گے۔ بشار اسد
ایرانی محکمہ خارجہ کے ترجمان عباس موسوی نے اقوام متحدہ سے مطالبہ کیا کہ وہ یمنی نہتے شہریوں بالخصوص خواتین اور بچوں کے تحفظ کیلئے ضروری اقدامات اٹھائے۔
تفصیلات کے مطابق سید عباس موسوی سعودی عرب کی زیر قیادت اتحاد کی جانب سے یمن کے شہر الحجہ اور الجوف میں شادی کی تقریب پر حملے کے نتیجے میں 25 نہتے شہریوں بشمول خواتین اور بچوں کے جان بحق ہونے کی شدید مذمت کی۔
انہوں نے حملے میں جاں بحق ہونے والوں کے لواحقین سے ہمدردی کا اظہار کرتے ہوئے کہا ہے کہ بڑی افسوس کی بات ہے کہ یمن میں سعودی اتحادی کے فوجیوں کے جرائم کے سامنے بین الاقوامی برادری کی خاموشی کا سلسلہ جاری ہے۔
موسوی نے بین الاقوامی برادری اور انسانی حقوق تنظیموں سے یمن میں سعودی اتحاد کے جرائم کو روکنے کی ہر ممکن کوشش کریں۔
انہوں نے کہا کہ یمن پر وار کرنے والے جارحوں کیلئے فوجی ساز و سامان تیار کرنے ممالک جو یمنی خواتین اور بچون کو بموں کے ذریعے بے دردی سے قتل کرتے ہیں، وہ سب ان جرائم میں برابر کے شریک ہیں اور ان کو یمنی عوام اور بین الاقوامی برادری کے سامنے جوابدہ ہونا ہوگا۔
ایرانی ترجمان نے کہا کہ یہ ایک ایسے وقت ہے جب اقوام متحدہ نے حالیہ دنوں میں امریکی دباؤ کے تحت اور سعودی عرب کی مالی حمایت سے سعودی عرب کے نام کو بچوں کے قتل کرنے والے فہرست سے ہٹادیا ہے۔
انہوں نے اقوام متحدہ سے اپنے اس فیصلے پر نظر ثانی کرنے سمیت حلموں کو جلد از جلد روکنے اور یمنی نہتے شہریوں کے تحفظ کیلئے ضروری اقدامات اٹھانے کا مطالبہ کیا۔
